Sextán ára frumkvöðull fékk frábæra viðskiptahugmynd
Sextán ára bresk stúlka hefur þénað sem nemur milljónum króna á að aðstoða kínverska foreldra við að gefa börnum sínum nafn. Þessi ungi frumkvöðull brá að það ráð að opna vefsíðu sem þúsundir Kínverja nýta sér.
Stúlkan sem um ræðir heitir Beau Jessup og sérhæfir vefurinn sig í að aðstoða foreldrana við að gefa börnunum bresk nöfn, að hluta eða í heild. Foreldrar greiða litla upphæð til vefjarins og fylla út einskonar eyðublað þar sem þeir eru spurðir um ýmis atriði, til dæmis kyn og persónuleikaeinkenni barna sinna.
Að þessu loknu fá foreldrar barnanna hugmyndir að nafni, eða nöfnum, og að vali loknu fá þeir útprentað skjal þar sem merking nafnsins er meðal annars tíunduð. Einnig má finna á skjalinu þekkta einstaklinga sem deila nafni barnsins.
Vefurinn sem Jessup kom á fót hefur nú þegar aðstoðað við nafngift 200 þúsund barna og hefur Jessup þénað hátt í tíu milljónir króna. Hugmyndin kviknaði þegar Jessup var á ferðalagi í Kína og komst að því að margir foreldrar vildu helst að börn þeirra myndu bera enskt nafn, ef ske kynnu að þau héldu út í nám.
Peningarnir sem Jessup hefur þénað fara beint inn á sparireikning hennar. Munu þeir koma að góðum notum þegar Jessup byrjar í háskóla.