„Faðir minn byrjaði með þetta upp úr 1975 og ég fór ungur að vinna með honum. Ég hef síðan haft þetta að aðalstarfi síðan árið 2000,“ segir Ásgeir Ásgeirsson sem rekur Skolphreinsun Ásgeirs. Ásgeir er því kominn með afar langa starfsreynslu í faginu og margir treysta á þjónustu hans þegar upp koma stífluvandamál, sem oftar en ekki þola ekki mikla bið.

„Við erum meira í þessum innanhússvanda, losum stíflur frá baðkörum, vöskum og klósettum. Það eru hins vegar holræsabílarnir sem aðallega sinna vandamálum í stærri lögnum,“ segir Ásgeir en hann þjónustar jöfnum höndum íbúðareigendur, húsfélög og fyrirtæki.

„Við erum á vaktinni allan sólarhringinn og reynum að svara útköllum hvenær sem er. Bróðir minn er með mér í þessu og það má treysta því að annar okkar sé alltaf á vaktinni,“ segir Ásgeir.

Ásgeir notast við tæki sem eru færanleg og hann tekur með sér inn í hús. Má þar nefna rafmagnssnigla og háþrýstidælur. „Rafmagnssniglarnir eru með gorma sem snúast og við þræðum þá inn í rörin. Þeir safna í sig hárum og pappír sem á ekki að vera í lögnunum, en láta klósettpappír vera,“ segir Ásgeir.

Hann notast einnig við lagnavélar sem geta verið afar mikilvægar í að greina upptök og staðsetja vandamálin í lögnunum.

Að sögn Ásgeirs eru stífluvandamál algengari í eldri hverfum borgarinnar þar sem lagnir eru gamlar en stíflur geta þó líka komið upp í nýjum hverfum – raunar hvar sem er.

Stíflulosun er pöntuð með því að hringja í símanúmerin 861-5786 eða 892-7260.