Gallerí Fold stendur fyrir tvöföldu uppboði dagana 30. og 31. maí n.k.
Síðasta uppboð vetrarins verður tvöfalt. Óvenjumörg afbragðsverk hafa borist galleríinu undanfarnar vikur og því var ákveðið að hafa þennan háttinn á. Uppboðin verða haldin dagana 30. og 31. maí n.k í Gallerí Fold við Rauðarársstíg og hefjast bæði uppboðin kl. 18.
Að sögn Jóhanns Ágústs Hansen uppboðshaldara er þetta nokkuð sérstakt. „Mörg verkin eru að koma úr búum þjóðþekktra einstaklinga. Mörg þessara verka eru ansi merkileg og ekki eitthvað sem býðst á markaði á hverjum degi. Alvöru safnarar og þeir sem hafa áhuga á íslenskri list ættu ekki að láta þetta tækifæri framhjá sér fara.“ Hann bendir jafnframt á að vitanlega séu ódýrari verk inn á milli og á uppboðinu séu verk við flestra hæfi. Gallerí Fold hafi ávallt lagt mikið upp úr því að íslensk myndlist sé fyrir alla.
Eitt þeirra verka sem Jóhann Ágúst vill leggja sérstaka áherslu á er einstakt málverk eftir Börböru Árnason sem kallast „Atvinnuvegirnir“. Galleríinu hefur aldrei borist eins stórt verk eftir hana. Um er að ræða magnað verk þar sem undirstöðuatvinnuvegum landsins er fléttað saman í magnaða frásögn.
Meðal fágætra verka sem eru á uppboðinu má nefna vatnslitamynd eftir Ásgrím Jónsson af Gunnari á Hlíðarenda og Kolskeggi bróður hans. Fjögur önnur verk eru eftir Ásgrím, þar á meðal stór vatnslitamynd frá Hornafirði frá 1912 sem hefur verið talið eitt af hans bestu tímabilum.
Þá ber að nefna stórt málverk af sjómönnum á línuveiðum eftir Gunnlaug Scheving. Verk af því tagi hefur ekki komið í sölu síðan árið 2012 og var þá slegið á tæpar níu milljónir króna.
Tólf verk eru eftir Jóhannes Kjarval, allt frá smámyndum á pappír upp í stór olíuverk. Meðal litlu verkanna er falleg teikning af skútu frá því snemma á ferli hans. Mesta athygli mun þó stórt verk, „Hlustað á hörpuna“, vekja en einnig sérlega skemmtilegt fjölskylduportrett sem virðist úr álfheimum.
Af verkum annarra úr hópi gömlu meistaranna má nefna fimm verk eftir Þorvald Skúlason, þar af tvær hafnarmyndir og eina geomatríu sem hvort tveggja eru sjaldgjæf mótíf.
Þá má nefna stórt verk Gunnlaugs Blöndals, „Stúlka með fiðlu“ og mynd af útilegumanni á hestbaki eftir Jón Stefánsson.
Tvö verk eftir frá Louisu Matthíasdóttur verða boðin upp; sterk sjálfsmynd af Louisu með hatt og nokkuð stór mynd af Akrafjalli, Skarðsheiðinni og Esjunni með hest í forgrunni. Þá verða boðin upp nokkur verk eftir Karólínu Lárusdóttur, bæði stórt málverk og stór vatnslitamynd en einnig grafíkverk.
Forsýning verkanna hefst í Gallerí Fold föstudaginnn 27. maí og stendur fram til þriðjudags
Opnunartímar eru…
Föstudag kl. 10–18
Laugardag kl. 11–17
Sunnudag kl. 12–17
Mánudag kl. 10–17
Þriðjudag kl. 10–17
Sem fyrr segir eru uppboðin tvö á mándags og þriðjudagskvöld og hefjast kl. 18 bæði kvöldin.
Allir velkomnir.
