Atli Vilhjálmsson hefur rekið verkstæðið Betri bílar síðan í október 2008 en það var upphaflega stofnað í maí 1991. Atli segir að því sé um reynslumikið og rótgróið fyrirtæki að ræða. „Við sérhæfum okkur í að þjónusta bíla frá Heklu,“ segir Atli, en það eru Mitsubishi, Volkswagen og Skoda. Það reynist langódýrast fyrir fólk að leita til verkstæða sem eru með sérhæfingu því þá fer ekki dýrmætur tími í að leita sér upplýsinga og annað í þeim dúr, sem getur reynst ansi tímafrekt. „Við þurfum líka reglulega að uppfæra þekkingu okkar til þess að vera í fullkomnum takti við tæknina en það er bráðnauðsynlegt til þess að stöðnun eigi sér ekki stað. Hjá fyrirtækinu eru fimm starfsmenn, hver öðrum hæfari og reynslumeiri,“ segir Atli.
Betri bílar sinna einnig almennum viðgerðum á öðrum tegundum hafi starfsmenn viðeigandi þekkingu á þeim og tækjabúnaður sé til staðar. Eins og fram hefur komið hjá Atla liggur sérhæfing Betri bíla í Mitsubishi, Volkswagen og Skoda og eldri Audi-bifreiðum og hefur verkstæðið komið sér upp ákveðnum tækjabúnaði, verkfærum og kunnáttu til þess að geta þjónustað þær tegundir sem best. „Við erum í Skeifunni 5, sem er alveg frábær staðsetning, og margir viðskiptavinir okkar hafa einmitt haft orð á því hversu hentugt það er. Þeir hafa verið mjög ánægðir með þjónustuna hér og því að geta lagt bílana sína í traustar, reyndar hendur,“ segir Atli.
Opnunartímar Betri bíla er sem hér segir:
Mán–fim 08.00–12.00
Mán–fim 12.30–17.00
Föstudagur 08.00–12.00
Föstudagur 12.30–15.00
