Saltið er lykilatriði

Um þessar mundir eru margir að taka upp kartöfluuppskeru ársins. Nýjar kartöflur eru hið mesta lostæti og margir sem vita ekkert betra. Það skiptir þó miklu máli að elda þær rétt til þess að þær bragðist sem allra best.

Best er að setja salt út í pottinn, um það bil tvær teskeiðar sé eldað fyrir fjóra, láta suðuna koma upp og um það bil 10 mínútum eftir það á að hella vatninu af og láta kartöflurnar standa í pottinum með lokið yfir. Svo má bæta smá smjöri við fyrir alvöru sælkera.