Minnstar tafir hjá Iceland Express

Stundvísi Icelandair, Iceland Express og WOW air var góð fyrri hluta sumars segir á vefnum Túristi.is.

Þar kemur hinsvegar fram að síðastliðin hálfan mánuð lækkaði hlutfall þeirra ferða sem voru á áætlun samanborðið við vikurnar á undan.

Minnst þó hjá Iceland Express og var félagið á réttum tíma í 91 prósent tilvika og voru tafirnar litlar.

Hjá Icelandair og WOW air voru um átta af hverjum tíu ferðum á áætlun.

Meðaltöf á brottförum þess síðarnefnda var 33 mínútur en 11 mínútur hjá Icelandair. Ástæðan er umtalsverð seinkun á nokkrum ferðum félaganna frá landinu.

Nánar um þetta á vefnum Túristi.is.