Þær María Lilja Þrastardóttir, Krista Hall og Anika Laufey Baldursdóttir standa fyrir fatamarkaði á laugardaginn. Markaðurinn fer fram á Bakkus sem nýlega var fluttur á Laugaveg 22.

Stöllurnar segjast vera að tæma fataskápana sína vegna plássleysis, þær séu allar kaupóðar og ætli þess vegna að rýma til. Þær lofa góðum verðum en á markaðnum verða meðal annars í boði „vintage“ gullmolar eins og kjólar, skór, pelsar, kápur og fleira. Þær eiga það sameiginlegt að hafa allar starfað í búðum sem selja notuð föt og verður því eflaust úr nægu að moða á markaðnum.

Markaðurinn hefst klukkan 14 og stendur til klukkan 17.