Þessa vikuna ætlar leikkonan Edda Björgvinsdóttir að deila með lesendum uppskrift að lífrænni hjónabandssælu. „Þessi er ekki ósvipuð því sem við Laddi erum að leika í Gamla bíói,“ segir Edda brosandi og á við sýninguna Hjónabandssælu sem er sýnd í Íslensku óperunni um þessar mundir.
1 ½ dl lífrænn hrásykur
3 ¾ dl lífrænt hveiti/heilhveiti/spelt
180 gr kókósfeiti (lífræn)
1 tsk. vínsteinslyftiduft (lífrænt)
¾ tsk. matarsódi (frá Pottagöldrum)
3 ½ dl lífrænt haframjöl
1 stk. hamingjusamt egg
Blandið öllu saman í hrærivélarskál og hrærið varlega þar til deigið er komið vel saman, ekki hræra of mikið. Takið 2/3 af deiginu og þjappið í smurt tertuform með fingrunum, vel í botninn og upp með köntunum.
Smyrjið lífrænni rabbarbarasultu yfir, magn af sultu fer eftir smekk hvers og eins. Rúllið út restina af deiginu og skerið niður í strimla og raðið yfir.
Bakað við 180°C í um 40 mínútur.
Alþingiskosningar 2013
Blóðugt uppgjör í Seljahverfi