„Raddir kvenna heyrast ekki nógu oft,“ segir Guðný Þorsteinsdóttir en hún og eiginmaður hennar hafa hannað smáforrit, eða svokallað „app“ fyrir Iphone, Ipod Touch og Ipad þar sem notendur geta fengið tilvitnun senda á hverjum degi. Í forritinu er að finna tilvitnanir í 366 konur sem allar eiga það sameiginlegt að vera nokkuð þekktar og hafa haft mikið fram að færa, meðal annars íþróttakonur, listakonur, stjórnmálamenn og athafnakonur.

Forritið er fæst endurgjaldslaust og er tilraunaverkefni þeirra hjóna en þau eru bæði tölvunarfræðingar og segir Guðný að þetta hafi verið hálfgert fikt hjá þeim og lærdómur fyrir þau. Forritið heitir „Womens wisdom“ og efni tilvitnanna eða spakmælanna er allt milli himins og jarðar. „Það virkar þannig að það kemur ný tilvitnun á hverjum degi og það eru margvíslegar stillingar sem fylgja því. Þú getur stýrt því hvenær tilvitnunin berst þér og hægt er að áframsenda þau og vísa í þau á Facebook,“ segir Guðný.

Smáforritið má nálgast hér

Hér eru upplýsingar um það á íslensku