Flestir tölvuframleiðendur eru farnir að framleiða svokallaðar Ultrabook-fartölvur. Tölvurnar eru litlar, léttar en mjög öflugar. Tölvurnar eru einhverskonar svar tölvuframleiðenda við vinsældum spjaldtölva sem eru farnar að koma sér vel fyrir á markaði á kostnað hefðbundinna fartölva. Á CES 2012 raftækja- og tækniráðstefnunni voru margar Ultrabook-fartölvur kynntar til sögunnar.

Ultrabook-tölvur eru í raun ekki bara svar tölvuframleiðenda við spjaldtölvum heldur hreinlega svar þeirra við MacBook Air-fartölvunni frá Apple. Sú tölva hefur allt til brunns að bera sem Ultrabook-fartölvur þurfa að hafa. Tölvan er lítil, þunn, létt, með góðum skjá og öflug. Tölvan er þó með háan verðmiða og hefur verið helsta tækifæri samkeppnisaðila Apple að koma með ódýrari en sambærilegar tölvur á markað. Það hefur ekki tekist.