-
Barsmíðar, byssur og dólgslæti
15. mars 2010
Annað: From Paris With Love
Undirritaður viðurkennir það strax að hann fílar myndir eins og From Paris With Love. Einfaldleikinn í fyrirrúmi, einn geðveikur gaur sem lemur alla, drepur hina og er með dólgslæti við aðra. Ég tala nú ekki um þegar Luc Besson kemur nálægt myndinni. Þá á maður nú alltaf von á einhverju góðu en Besson skrifaði söguna fyrir myndina en félagi hans Adi Hasak gerði handritið.
-
Lína Langsokkur fyrir fullorðna
10. mars 2010
Kvikmynd: Loftkastalinn sem hrundi
Þegar fyrsta myndin í þrennu Stieg Larssons kom fyrir skynfæri almennings má segja að hún hafi verið eins og ísköld frískandi vatnsgusa. Ein ánægjulegasta, vandaðasta og frumlegasta bíóupplifun í áraraðir.
-
Völundarhús hugans
8. mars 2010
Kvikmynd: Shutter Island
Shutter Island er nýjasta mynd Óskarsverðlaunaleikstjórans Martin Scorsese og af sjálfsögðu er gulldrengurinn hans, Leonardo DiCaprio, í aðalhlutverki. Myndin fjallar um lögreglumanninn Teddy Daniels (DiCaprio) sem fer ásamt nýjum samstarfamanni sínum, Chuck (Mark Ruffalo) til þess að rannsaka hvarf vistmanns á hinu drungalega geðsjúkrahúsi Shutter Island.
-
Allir á húsfund!
5. mars 2010
Leikverk: Hænuungarnir
Hvað ætli yrði það fyrsta sem manni dytti í hug að gera, hefði maður nágranna sína grunaða um að stela úr geymslunni hjá manni? Að kalla saman húsfund til að sjá hvernig þeir bregðist við þegar málið er tekið á dagskrá? Ekki get ég nú neitað því að mér finnst það svolítið langsótt hugmynd. En gott og vel, við þurfum stundum að “kaupa” ýmislegt af skáldunum til að fylgja þeim á fluginu – og “kaupum” við þetta, þá á ekkert að vera því til fyrirstöðu að við eigum góða kvöldstund í Þjóðleikhúskassanum með Sigurhansi djassgeggjara – þeim sem rændur hefur verið og boðar til húsfundarins – frú hans og nágrönnum þeirra.
-
Ömurlegt líf ungrar stúlku
3. mars 2010
Kvikmynd: Precious
Clarice Precious Jones lifir ömurlegu lífi, svo ömurlegu að orð fá því vart lýst. Hún er sextán ára gamall offitusjúklingur sem er nær ólæs, hún býr við ógeðslegar heimilisaðstæður þar sem hún er niðurlægð og barin auk þess að eiga eitt barn eftir nauðgun föður síns og annað á leiðinni eftir aðra nauðgun. Hana dreymir um betra líf og reynir með dagdraumum sínum að flýja grimman og kaldan veruleikann sem bíður hennar í hvert skipti sem hún opnar augun.
-
Þú ræður ferðinni
25. febrúar 2010
Tölvuleikur: Heavy Rain
Það hafa ófáir beðið eftir Heavy Rain með mikilli eftirvæntingu enda hafa gagnrýnendur keppst við að fara lofsamlegum orðum um leikinn. Það verður þó að viðurkennast að undirritaður var fullur efasemda þegar hann fékk leikinn í hendurnar. Það er kannski ekki síst vegna þess að fyrirtækið sem framleiðir leikinn er franskt og hefur ekki verið áberandi á tölvuleikjamarkaðnum á undanförnum árum. Þegar spilun leiksins hófst voru efasemdaraddirnar þó fljótar að kafna í ævintýralegum söguþræði sem nær tökum á þér frá byrjun.
-
Innri orrustur hermanns
23. febrúar 2010
Kvikmynd: Brothers
Tommy og Sam Cahill eru töluvert ólíkir bræður. Við fylgjumst með Tommy losna úr fangelsi meðan Sam fer til Afganistan að sinna herþjónustu. Tommy er iðjuleysingi og vandræðagosi en Sam er pabbastrákur sem hefur fetað slóð föður síns í bandaríska hernum og komið sér upp fallegri fjölskyldu.
-
Of flókið fyrir börn
22. febrúar 2010
Annað: Platan Algjör Sveppi - Dagur í lífi stráks
Barnaplatan Algjör Sveppi - Dagur í lífi stráks rennur ekki alveg eins ljúflega niður og ég hafði haldið. Hún vekur vissulega lukku en dóttir mín, sem elskar Sveppa, var búin að missa áhugann á henni mjög snemma við fyrstu hlustun. Ástæðuna tel ég vera þá að textarnir séu of miklir og lögin of hröð. Fyrir þriggja ára stelpu var þetta fullmikið af því góða.
-
Dísætt froðusnakk
19. febrúar 2010
Kvikmynd: Percy Jackson & the Olympians: The Lightning Thief
Myndin Percy Jackson & the Olympians: The Lightning Thief er byggð á samnefndri bók eftir Rick Riordan. The Lightning Thief er fyrsta bókin af fimm en þær fjalla allar um Percy Jackson, son gríska guðsins Poseidons. Hann er hálfguð sem býr í heimi manna þar sem grísku guðirnir eru duglegir við það að koma niður til jarðar til að finna sér mennska maka og eignast með þeim afkvæmi.