fbpx
Fimmtudagur 24.janúar 2019

DV - Frjáls og óháður miðill

Fáðu DV í áskrift

Þú getur valið prentáskrift eða vefáskrift

Sjá nánar eða Lesa blaðið

Býð góð ráð

Ritstjórn DV
Föstudaginn 5. ágúst 2016 06:00

Ég heiti Snjólfur Gíslason og því miður þarf ég að þiggja laun frá Tryggingastofnun ríkisins eða að hluta frá Lífeyrissjóði ríkisstarfsmanna og Lífeyrissjóðnum Gildi. Samtals gerir þetta um 200 þúsund á mánuði.

Af ekki stærri upphæð er ég búinn að greiða í skatta um 250.000 krónur frá áramótum. Og því miður er sjálfsagt fjöldi annarra í sömu stöðu og ég – eða verri.

Nú er staðan sú að enginn okkar getur farið í verkfall.
Ekki er hægt að ná sambandi við háttvirtan velferðarráðherra né nokkurn annan ráðamann á þingi. Þeir liggja trúlega í sólbaði úti í heimi og eru sennilega mjög ánægðir með okkar kjör.

En sem betur fer get ég gefið því fólki, sem er að berjast við það sama og ég, nokkur góð ráð til sparnaðar.

Hættið að nota heitavatnskútinn, sápu að sjálfsögðu og látið ykkur ekki detta í hug að nota sjálfvirka þvottavél. Ekki nota rafmagnseldavél því það er hægt að nota mó ef heilsan leyfir.

Hættið að kaupa klósettpappír því ef ekki er frost er alltaf hægt að finna mosa. Látið ykkur ekki detta í hug að nota bíl heldur verðið ykkur úti um gamla hesta því maður getur étið þá þegar þeir geta ekki sinnt störfum sínum lengur. Komið ykkur upp súrtunnu því þar geymist maturinn án þess að skemmast. Hægt er að nota selshreifa og margt fleira. Meðfram þjóðvegunum liggur fullt af dauðum eða hálfdauðum lömbum sem hægt er að nota til matar. Blessuð sé vegagerðin fyrir að salta vegina.

Ég er alltaf tilbúinn, meðan ég get borgað af símanum, að veita fólki í minni stöðu góð ráð, sem sennilega skipta hundruðum eða þúsundum.

Ráð til stjórnmálamanna um kosningaloforð fyrir næstu kosningar er að gera allt sem þeir geta til að losna við öll þessi gagnslausu gamalmenni svo þau krókni ekki eða drepist úr kulda.

Húsið mitt er að drabbast niður að utan sem innan, þetta verður maður að sætta sig við.

Til stjórnmálamanna og bankastofnana: Þið verðið að passa ykkur að halda áfram að vera bara með tóm okurlán svo fólk sem er á besta aldri geti alls ekki keypt sér né byggt sér hús fyrir framtíðina. Það gæti komið sér illa fyrir alla „Jóakima“ sem leigja út húsin sín á okurverði –sem sé mjólka alla fátæklinga eins og hægt er.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

433Sport
Fyrir 6 klukkutímum

Gonzalo Higuain orðinn leikmaður Chelsea

Gonzalo Higuain orðinn leikmaður Chelsea
Pressan
Fyrir 6 klukkutímum

Ógeðfelld Óskarstilnefning

Ógeðfelld Óskarstilnefning
433
Fyrir 6 klukkutímum

Martröð Chelsea: Fær 100 þúsund pund á viku en enginn hefur áhuga

Martröð Chelsea: Fær 100 þúsund pund á viku en enginn hefur áhuga
433
Fyrir 7 klukkutímum

Jón Daði fær liðsfélaga frá Arsenal

Jón Daði fær liðsfélaga frá Arsenal
433
Fyrir 7 klukkutímum

Mikil bjartsýni hjá Fulham: Reyna við leikmann Juventus

Mikil bjartsýni hjá Fulham: Reyna við leikmann Juventus
433
Fyrir 8 klukkutímum

Juventus bauð Arsenal að fá leikmann í skiptum

Juventus bauð Arsenal að fá leikmann í skiptum
433
Fyrir 9 klukkutímum

Liverpool reynir við efnilegasta leikmann Chelsea

Liverpool reynir við efnilegasta leikmann Chelsea