Barnfóstra brennd

Ritstjórn DV
Sunnudaginn 25. mars 2018 20:00

Sophie Lionnet Átti ekki sjö dagana sæla hjá vinnuveitendum sínum.

Um þessar mundir standa yfir í Old Bailey í London réttarhöld yfir frönsku sambýlisfólki búsettu þar í borg. Forsaga málsins er sú að brunnar líkamsleifar franskrar barnfóstru, Sophie Lionnet, 21 árs, fundust í garði við hús í Southfields í suðurhluta borgarinnar 20. september í fyrra. Líkskoðun leiddi í ljós að Sophie hafði sætt barsmíðum fyrir dauða sinn.

Haft var eftir sækjanda í málinu, Richard Horwell, að Sophie hefði verið „föst í gildru heimilismartraðar.“

Brákað bringubein og fleira

Vinnuveitendur Sophie voru Sabrina Kouider, 34 ára, og Ouissem Medouni, 40 ára. Þau hafa viðurkennt að hafa reynt að losa sig við líkið af Sophie, en þræta fyrir að hafa orðið henni að fjörtjóni.

Horwell upplýsti kviðdómara um að lík Sophie bæri ummerki „verulegs ofbeldis“ þar á meðal mætti nefna „brákað bringubein, fjögur brákuð rif og  brákaðan kjálka.“

Enn fremur gerði Horwell heyrinkunnugt að tilvera Sophie á heimili vinnuveitenda sinna hefði einkennst af „undarlegheitum og kúgun.“

Stjórnað með svartagaldri

Að sögn Horwells var Sabrina Kouider með Mark Walton á heilanum, en þau ku hafa verið kærustupar um skeið og eignuðust son saman. Umræddur Mark var einn af stofnendum strákabandsins Boyzone, sem naut vinsælda um skeið.

Sabrine Kouider
Sögð hafa grunað barnfóstru sína um samsæri.

Sabrina sakaði Sophie, sem hóf störf hjá henni og Quissem rétt orðin tvítug, um að vera „í liði“ með Mark og sagði hún að Mark Walton stjórnaði henni með „svartagaldri.“

„Sophie var ekki aðeins ung, hún var einnig, teljum við, bernsk og einstaklega berskjölduð og fyrir vikið auðvelt skotmark svívirðinga og misnotkunar,“ sagði Horwell.

Mark Walton
Kann eitthvað fyrir sér í svartagaldri að mati barnsmóður sinnar.

Grunuð um græsku

Í ljósi þess sem sagt hefur verið það sem af er réttarhöldum þá grunaði Sabrina barnfóstru sína um takmarkalausa græsku. Sabrina hafði, að sögn, sakað Sophie um að „beita alla fjölskylduna kynferðislegu ofbeldi.“

Sophie mun hafa kvartað yfir því að hún fengi ekki að snúa heim til Frakklands og að „hún sætti barsmíðum.“

Bálköstur í bakgarði Sabrinu og Quissem vakti athygli nágranna sem höfðu samband við lögreglu.

Skinhoruð og skelfd

Richard Horwell sagði að skötuhjúin hefðu vonast til að eyða líkamsleifum Sophie gjörsamlega og síðan útskýra fjarveru hennar á þann veg að Sophie hefði farið til Frakklands vegna gruns um einhvers konar handvömm af hennar hálfu.

Þegar upp komst um morðið og áform Sabrinu og sambýlismanns hennar fundust „skelfileg“ myndskeið í símum þeirra. Um var að ræða yfir átta klukkustunda upptökur þar sem heyra mátti Sophiu yfirheyrða af parinu.

Upptökurnar sýndu, að sögn Horwells, „unga, skinhoraða, skelfda og hjálparvana konu.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Bleikt
Fyrir 1 klukkutíma

Lilja varð fyrir aðkasti vegna yfirþyngdar – Lamin og hrint á balli: „Sérðu ekki hvað hún er ógeðslega feit?“

Lilja varð fyrir aðkasti vegna yfirþyngdar – Lamin og hrint á balli: „Sérðu ekki hvað hún er ógeðslega feit?“
Lífsstíll
Fyrir 1 klukkutíma

MAGNAÐ NÓVEMBERTILBOÐ Á ÖLLUM ÚTFÆRSLUM MAZDA CX-5 hjá Brimborg.

MAGNAÐ NÓVEMBERTILBOÐ Á ÖLLUM ÚTFÆRSLUM MAZDA CX-5 hjá Brimborg.
433
Fyrir 2 klukkutímum

Jonathan Glenn aftur í ÍBV

Jonathan Glenn aftur í ÍBV
433
Fyrir 2 klukkutímum

Bayern telur sig hafa krækt í Ramsey

Bayern telur sig hafa krækt í Ramsey
Bleikt
Fyrir 3 klukkutímum

Fjórðungur kvenna hefur orðið fyrir nauðgun eða nauðgunartilraun á lífsleiðinni

Fjórðungur kvenna hefur orðið fyrir nauðgun eða nauðgunartilraun á lífsleiðinni
Lífsstíll
Fyrir 3 klukkutímum

Bláfjöll og Skálafell bíða spennt eftir snjónum!

Bláfjöll og Skálafell bíða spennt eftir snjónum!
Eyjan
Fyrir 3 klukkutímum

Bakkavararbræður sagðir huldumennirnir á bakvið Dekhill Advisors

Bakkavararbræður sagðir huldumennirnir á bakvið Dekhill Advisors
433
Fyrir 4 klukkutímum

Wenger hafnaði starfi á Englandi – Pulisic á leið til Chelsea?

Wenger hafnaði starfi á Englandi – Pulisic á leið til Chelsea?