Sumarið 1990 framkvæmdi Rafn Ragnarsson lýtalæknir fyrstu hárígræðsluna á Íslandi. Á þeim tíma var hármissir mun meira feimnismál en nú og þeir fáir sem þorðu að krúnuraka sig til að mæta vandanum. Til að leysa hárþynningu höfðu margir karlmenn gripið til þess ráðs að greiða yfir skalla eða fá sér hárkollur. Rafn flutti hins vegar þessa nýju ígræðslutækni inn frá Svíþjóð þar sem hann var áður starfandi. Nokkrar aðferðir voru notaðar en sú algengasta fólst í að taka hárrætur úr efstu lögum húðar á vanga eða hnakka og færa niður í neðri lögin á vandræðasvæðinu. Notast var við staðdeyfingu og bati nokkuð hraður. Þrítugur maður sem fór í fyrstu aðgerðina hér sagðist hafa verið plataður í mörg ár með heilsulyfjum og sjampói. „Líf mitt hefur gjörbreyst enda var ég í algjörri sálarflækju í mörg ár.“