fbpx
Þriðjudagur 11.desember 2018

Læknir galt fyrir getuleysið

Ritstjórn DV
Fimmtudaginn 26. apríl 2018 22:00

Hans Peterson Tvöfaldur ríkisborgararéttur bjargaði honum fyrir horn.

Hans Peterson, bandarískur/franskur pókerspilari búsettur í Chicago í Illinois, var ekki sáttur. Í of langan tíma hafði hann glímt við svonefndar unglingabólur og árið 2006 hafði hann fengið sig fullsaddan. Hann fór til húðlæknis, Davids Cornbleet, sem var með stofu á 12. hæð í turni við Michigan Avenue í Chicago.

Cornbleet læknir skrifaði upp á nokkur lyf, þar á meðal Accutane, sem áttu að vinna bug á bólunum í andliti Peterson sem fór léttur í lund til síns heima og innbyrti lyfin eins og fyrir hann hafði verið lagt.

Pantaði tíma hjá lækninum

Liðu nú nokkrir mánuðir og segir svo sem ekki mikið af orrustu Peterson við bólurnar. Hins vegar ku hann hafa orðið var við verulega dvínandi kynhvöt og hugnaðist lítt sú þróun. Var Peterson sannfærður um að Accutane væri um að kenna.

Húðlæknirinn með syni sínum
Cornbleet hugðist hjálpa Peterson, en það fór á annan veg.

Nú hefðu sennilega flestir í svipuðum sporum mælt sér mót við lækninn og það var einmitt það sem Peterson gerði, 24. október 2006. Í stað þess að kvarta og leita ráða dró Peterson hníf úr pússi sínu og rak hann ítrekað í bringu hins grunlausa læknis. Síðan lagði Peterson á flótta.

Peterson hugsar sinn gang

Að kvöldi þessa dags varð Aileen, eiginkonu læknisins, ekki rótt. Hvorki hafði eiginmaðurinn hringt né svarað þegar hringt var í hann. Aileen dreif sig á læknastofuna og sá þá að þar var allt opið. Inni lá eiginmaður hennar í blóðpolli á gólfinu. Hann hafði verið stunginn tuttugu sinnum.

Á sama tíma í öðrum bæjarhluta velti Hans Peterson stöðu sinni. Hann gerði sér grein fyrir því að hann hafði skilið lífsýni eftir úti um allt á læknastofunni, að ekki væri minnst á fingraför. Fundur hans og Cornbleet var einnig án efa rækilega færður til bókar í dagbók læknisins.

Evreka!

Velktist Peterson ekki í vafa um að hann yrði fljótlega bendlaður við morðið á lækninum – og Illinois beitti dauðarefsingum. Peterson sá í hendi sér að ef honum dytti ekki snjallræði í hug hið fyrsta þá biði hans sennilega ferð aðra leiðina á dauðadeild.

Evreka! skyndilega laust niður í huga hans þeirri staðreynd að hann væri með tvöfaldan ríkisborgararétt; fæddur í Bandaríkjunum en átti franska móður.

Peterson beið ekki boðanna, hafði samband við flugfélag, pakkaði niður og dreif sig á O’Hare-flugvöllinn.

Gefur sig fram

Á meðan lögreglan leitaði læknismorðingjans logandi ljósi í Illinois hafði Peterson það náðugt í Frönsku Vestur-Indíum. Peterson vissi þó sem var að þetta myndi ekki vara að eilífu, fyrr eða síðar myndu lögin ná í skottið á honum.

Pókerspilarinn
Þegar upp var staðið hafði hann veðjað á réttan hest.

Þann 6. ágúst 2007 rölti Hans Peterson á næstu lögreglustöð og tilkynnti, rósemdin uppmáluð: „Fyrir ári, eða þar um bil, varð ég lækni í Chicago að bana og hér er ég mættur til að gefa mig fram. Ég er með franskan ríkisborgararétt og þetta er franskt yfirráðasvæði.“

Framsal óheimilt

Hans Peterson var umsvifalaust handtekinn og síðan fluttur til Guadeloupe. Hans vissi, sem og allir aðrir, að hann yrði aldrei tekinn af lífi – hann yrði ekki einu sinni framseldur til Bandaríkjanna. Samkvæmt frönskum og evrópskum lögum er óheimilt að framselja grunaða einstaklinga til nokkurs þess lands þar sem mögulegt yrði að viðkomandi yrði dæmdur til dauða.

Fjölskyldu Cornbleet varð nóg boðið þegar þetta lá ljóst fyrir. Skrifaði hún meira að segja þáverandi forseta Frakklands, Nicolas Sarkozy, bréf. Í bréfinu sagði meðal annars: „Hann [Peterson] hefur fengið heimild til að velja sér dómstól.“

Fjölskyldan fékk stuðningsyfirlýsingu frá þáverandi forsetaframbjóðanda Bandaríkjanna, Barack Obama.

Lífstíðardóm í stað dauðadóms

Pókerspilarinn Hans Peterson veðjaði á réttan hest því hann verður aldrei framseldur til Bandaríkjanna á vit dauðarefsingar. Í staðinn fyrir dvöl á dauðadeild í Bandaríkjunum mun hann taka út refsingu sína, lífstíðardóm sem féll í nóvemberlok árið 2011, í frönsku fangelsi.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Fyrir 2 klukkutímum

Söngleikurinn Matthildur – Fyrsta lagið birt

Söngleikurinn Matthildur – Fyrsta lagið birt
Fréttir
Fyrir 2 klukkutímum

Finnst þér að Ágúst Ólafur eigi að segja af sér þingmennsku? Segðu þína skoðun

Finnst þér að Ágúst Ólafur eigi að segja af sér þingmennsku? Segðu þína skoðun
433Sport
Fyrir 2 klukkutímum

Sjáðu myndirnar: Rooney var heiðursgestur Donald Trump

Sjáðu myndirnar: Rooney var heiðursgestur Donald Trump
433
Fyrir 2 klukkutímum

Áhugi Arsenal kom mikið á óvart – Bjóst ekki við að fara til Englands

Áhugi Arsenal kom mikið á óvart – Bjóst ekki við að fara til Englands
Bleikt
Fyrir 3 klukkutímum

Bianca var 39 kíló en fannst hún vera feitt svín

Bianca var 39 kíló en fannst hún vera feitt svín
Fókus
Fyrir 3 klukkutímum

Mynd dagsins: „Þetta reddast“

Mynd dagsins: „Þetta reddast“
Matur
Fyrir 4 klukkutímum

Amman sem hefur sparað sér á fimmtu milljón með gámagramsi: „Ég hef veitt gjafir í leynivinaleiki upp úr ruslinu“

Amman sem hefur sparað sér á fimmtu milljón með gámagramsi: „Ég hef veitt gjafir í leynivinaleiki upp úr ruslinu“
433Sport
Fyrir 5 klukkutímum

Verður Aron Einar stjarnan sem Heimir fær til Katar?

Verður Aron Einar stjarnan sem Heimir fær til Katar?
Fréttir
Fyrir 5 klukkutímum

Stormur á Twitter vegna Ágústs og Samfylkingarinnar: ,,Verulegt dómgreindarleysi Loga eða tilraun til að þagga málið niður“

Stormur á Twitter vegna Ágústs og Samfylkingarinnar: ,,Verulegt dómgreindarleysi Loga eða tilraun til að þagga málið niður“