fbpx

Dauðadeildarskáldið

William Bradford var dæmdur fyrir morð á tveimur konum, 15 ára og 21 árs

Kolbeinn Þorsteinsson
Sunnudaginn 11. febrúar 2018 16:00

 

Þegar bandaríska raðmorðingjanum William „Bill“ Bradford varð ljóst að hann myndi, um óákveðinn tíma, dvelja á dauðadeild í Kaliforníu, varð honum á orði: „Veltið fyrir ykkur hve mörg [fórnarlömb] þið hafið engar upplýsingar um.“
Bill fékk dauðadóm árið 1988 fyrir tvö morð, annars vegar á Tracey Campbell, 15 ára nágrannastúlku hans, og hins vegar, Shari Miller, 21 árs barþjón.
Aðferð Bills við að krækja í fórnarlömb var ekki flókin; með fyrirheitum um aðstoð við að hefja feril í fyrirsætustörfum lokkaði hann þau heim til sín í myndatöku.
Húsleit kom lögreglu á sporið
Bill var handtekinn eftir að í ljós kom að hann hafði verið sá síðasti sem sást með Tracey, meðan hún lifði. Í ljósi þess að hann beið réttarhalda vegna nauðgunar fannst lögreglunni ekki úr vegi að fá heimild til húsleitar á heimili hans. Heimtur úr leitinni innihéldu meðal annars 54 ljósmyndir af hinum ýmsu konum, þar á meðal Tracey og Shari.
Líkið af Shari Miller hafði fundist árið 1984, hálfnakið fyrir aftan teppaverslun í Los Angeles. Hún hafði síðan þá verið nefnd „Jane Doe nr. 60“ í gögnum lögreglu. Shari hafði farið með Bill út í Mojave-eyðimörkina í myndatöku.
Síðar sama ár fannst líkið af Tracey Campbell á tjaldstæði fyrir norðan Los Angeles.
Höfuðlaust lík
Bill Bradford var ekki menntaður ljósmyndari en greinilega afkastamikill. Í júlí 2006 ákvað lögreglan í Los Angeles að dusta rykið af máli Bills og setti á vefsíðu sína áðurnefndar myndir í von um að borin yrðu kennsl á konurnar og ljósi yrði varpað á örlög þeirra.
Innan tíðar varð ljóst að í það minnsta rúmlega 20 konur höfðu ekki beðið bana af kynnum sínum af Bill. Kennsl voru borin á Donnalee Duhamel, en höfuðlaust lík hennar hafði fundist í Malibu Canyon örfáum dögum eftir að hún hitti Bill á bar árið 1978.
Óbærileg dvöl
Ray Peavy, þá lögreglustjóri í Los Angeles, sagði: „Einhverjar [konur] voru eiginkonur – fyrrverandi eiginkonur Bills. En að mestu leyti erum við engu nær um hvaða konur er að ræða. Einhverjar kunna að hafa verið myrtar. Margar hugsanlega konur sem hann hitti á bar og tók myndir af.“
Hvað sem þessu líður þá gaf Bill aldrei nokkrar upplýsingar um önnur fórnarlömb en Shari og Tracey og var dæmdur fyrir morð á þeim.
Árið 1998 hætti Bill að áfrýja dómnum og sagði að dvölin í San Quentin væri orðin óbærileg.
Viðurnefnið
Bill, sem hafði ekki haft lögfræðing á sínum snærum í tíu ár, réð lögfræðing og fól honum að flýta yfirvofandi aftöku. Um sama leyti byrjaði hann að yrkja um lífið í San Quentin og fékk í fjölmiðlum viðurnefnið Dauðadeildarskáldið.
Lögfræðingur Bills, Darlene Ricker, var spurð hvað Bill myndi segja um endurnýjaðan áhuga lögreglunnar á máli hans. Darlene sagði að myndirnar hefðu verið til í 20 ár og engin leynd hvílt yfir þeim. „Ég er sannfærð um að Bill mundi segja: „Maðurinn var ljósmyndari. Vá, ótrúlegt að þeir skyldu finna ljósmyndir í eigu hans.“
Fékk krabbamein og lést
Nokkrum dögum fyrir áformaða aftöku virðist sem á Bill hafi runnið tvær grímur. Hann lýsti sig saklausan af öllu sem honum hafði verið gefið að sök og vildi að aftökunni yrði frestað.
Bill varð greinilega að ósk sinni því hann var aldrei tekinn af lífi. Hann fékk krabbamein og maðurinn með ljáinn sótti hann 10. mars 2008.

Source: dv

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

433
Fyrir 2 klukkutímum

Sjáðu atvikið – Mo Salah neitaði að ræða við Gary Neville

Sjáðu atvikið – Mo Salah neitaði að ræða við Gary Neville
Eyjan
Fyrir 2 klukkutímum

Björgólfur Guðmundsson, Einar Þorsteinsson og Viðskiptablaðið fórnarlömb falsfrétta um ágæti Bitcoin

Björgólfur Guðmundsson, Einar Þorsteinsson og Viðskiptablaðið fórnarlömb falsfrétta um ágæti Bitcoin
Fréttir
Fyrir 2 klukkutímum

El Mustapha í fjögurra mánaða fangelsi fyrir að káfa á stúlku í Kringlunni: Segir þetta eðlilegt í heimalandinu

El Mustapha í fjögurra mánaða fangelsi fyrir að káfa á stúlku í Kringlunni: Segir þetta eðlilegt í heimalandinu
Fókus
Fyrir 3 klukkutímum

Óhugnanleg ófreskja í Garðabæ: „Fer ekki í Costco fyrr en hún er farin“

Óhugnanleg ófreskja í Garðabæ: „Fer ekki í Costco fyrr en hún er farin“
433
Fyrir 4 klukkutímum

Tekjur United aldrei verið meiri og munu aukast meira á þessu tímabili

Tekjur United aldrei verið meiri og munu aukast meira á þessu tímabili
Fréttir
Fyrir 4 klukkutímum

Sjö bifreiðir skemmdar í Keflavík

Sjö bifreiðir skemmdar í Keflavík
Eyjan
Fyrir 4 klukkutímum

Alvarlegar aðfinnslur gerðar á starfssemi Samgöngustofu: „Full þörf á að ljúka þessari vinnu“

Alvarlegar aðfinnslur gerðar á starfssemi Samgöngustofu: „Full þörf á að ljúka þessari vinnu“
433
Fyrir 4 klukkutímum

Stjörnur United stoppuðu bíla sína til að gleðja fatlaðan stuðningsmann

Stjörnur United stoppuðu bíla sína til að gleðja fatlaðan stuðningsmann