Páfagaukurinn gargandi

Ritstjórn DV
Laugardaginn 13. október 2018 22:30

Árið 1942 var bar í New York, The Green Parrot Bar and Grill. Eigandi barsins var Max Geller og lukkudýr barsins var grænn páfagaukur. Flestir gestir staðarins kunnu vel að meta páfagaukinn sem var þeim gáfum gæddur að þekkja fastagestina. Hann gerði gott betur því hann gat sagt nöfn þeirra og ausið yfir þá móðgunum.

Drukkinn gestur með byssu

Nú, þann 12. júlí, 1942, kom maður á barinn og krafðist þess að sér yrði skenkt í glas. Max sá að gesturinn var þá þegar æði ölvaður og neitaði að afgreiða hann.

Sá drukkni kunni ekki að meta viðhorf Max, dró upp skammbyssu og skaut hann. Flúði hann síðan eins og fætur toguðu.

Skotið hafði hæft Max í hálsinn og eyðilagt raddböndin. Hann var svo illa haldinn að hann gat ekkert aðstoðað lögregluna. Einnig virtist sem enginn viðstaddra á kránni hefði borið kennsl á ódæðismanninn.

„Robber! Robber!“

Sá eini sem sagði eitthvað var græni páfagaukurinn. „Robber (ræningi)! Robber!“ skrækti hann í sífellu. Sá sem fór fyrir rannsókninni stundi þungan: „Við erum með dauðvona fórnarlamb, sem getur ekkert sagt, tuttugu vitni, sem ekkert vilja segja, og páfagauk sem við getum ekki þaggað niður í.“

Í þrjá daga lá Max Geller milli heims og helju en að lokum hafði sláttumaðurinn slyngi betur. Lögreglan yfirheyrði góðkunningja sína en ekkert kom upp úr krafsinu.

„Robert! Robert!“

Þá datt einhverjum lögreglumanninum í hug að hugsanlega væri páfagaukurinn græni ekki að segja „Robber! Robber!“, heldur „Robert! Robert!“

Þar komst skriður á rannsóknina og allir fastagestir sem hétu Robert voru yfirheyrðir. Einn þeirra var Robert Butler, 28 ára leigubílstjóri, en þegar lögreglan hugðist ná af honum tali var hann hvergi að finna.

Leið nú heilt ár en í nóvember 1943 tókst lögreglu að rekja ferðir Roberts Butler. Lögreglan náði loks í skottið á honum í stálverksmiðju í Baltimore í Maryland.

Robert yfirheyrður

Robert Butler fullyrti að hann hefði farið frá New York vegna rifrildis við eiginkonu sína. Hann samþykkti þó að fara til New York og svara nokkrum spurningum.

Á lögreglustöðinni var Robert spurður hvort hann hefði einhverjar upplýsingar um morðið á Max Geller. „Af hverju haldið þið að ég hafi gert það?“ svaraði hann.

Lögreglan spurði hann þá hvaða álit hann hefði á græna páfagauknum og Robert svaraði: „Klár fugl.“

15 ár í Sing Sing

Robert var síðan upplýstur um að páfagaukurinn hefði nefnt hann til sögunnar. Þá sagði Robert. „Ég þoldi aldrei þennan fugl.“

Robert Butler var ákærður fyrir morðið á Max Geller og var réttað yfir honum í febrúar 1944. Við réttarhöldin sagði hann að hann væri skuldum vafinn vegna spilafíknar og gengið með byssu sér til verndar.

Robert Butler var sakfelldur og dæmdur til 15 ára fangelsisvistar í Sing Sing.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

433
Fyrir 1 klukkutíma

Jokanovic rekinn og Ranieri tók við – Hann var fyrsti leikmaðurinn sem Ranieri keypti

Jokanovic rekinn og Ranieri tók við – Hann var fyrsti leikmaðurinn sem Ranieri keypti
Eyjan
Fyrir 1 klukkutíma

Valka semur um 1,3 milljarða króna hátæknivinnslu í Rússlandi

Valka semur um 1,3 milljarða króna hátæknivinnslu í Rússlandi
Matur
Fyrir 1 klukkutíma

Svona heldur þú frönskunum stökkum á meðan þú keyrir heim

Svona heldur þú frönskunum stökkum á meðan þú keyrir heim
Fréttir
Fyrir 1 klukkutíma

Sigurður ósáttur: Dæmi um að nágrannar hafi slegist – „Skeggöld og skálmöld í húsum“

Sigurður ósáttur: Dæmi um að nágrannar hafi slegist – „Skeggöld og skálmöld í húsum“
433
Fyrir 2 klukkutímum

Benjamin Mendy svarar Donald Trump – ,,Ekki hafa áhyggjur vinur“

Benjamin Mendy svarar Donald Trump – ,,Ekki hafa áhyggjur vinur“
433
Fyrir 2 klukkutímum

Kovacic gerir grín að Lovren – ,,Liverpool vinnur deildina aldrei út af honum“

Kovacic gerir grín að Lovren – ,,Liverpool vinnur deildina aldrei út af honum“
Pressan
Fyrir 2 klukkutímum

Leynileg skjöl sýna hversu hræðilegar afleiðingar sólstormar geta haft á jörðinni

Leynileg skjöl sýna hversu hræðilegar afleiðingar sólstormar geta haft á jörðinni
Eyjan
Fyrir 2 klukkutímum
Leikur í stöðunni?
Pressan
Fyrir 3 klukkutímum

Nú vilja Pólverjar frekar vera heima en fara til útlanda að vinna

Nú vilja Pólverjar frekar vera heima en fara til útlanda að vinna
Pressan
Fyrir 3 klukkutímum

Skuggahliðar ferðamannaparadísarinnar – Kölluð „Dauðaeyjan“

Skuggahliðar ferðamannaparadísarinnar – Kölluð „Dauðaeyjan“