Fljúgandi diskur yfir Sjómannaskólanum

Kristinn H. Guðnason
Mánudaginn 2. apríl 2018 18:00

Laugardagskvöldið 7. janúar árið 1967 sást dularfullt fyrirbrigði á lofti yfir Reykjavík. Um tvær tímasetningar var að ræða, klukkan hálf átta og hálf ellefu. Fjöldi fólks sagðist hafa séð einkennilegan sporöskjulaga og glóandi hlut, þakinn hringlaga blettum og ljósglampa. Fannst fólki eins og hlutnum hafi verið stýrt af einhverjum. Í bæði skiptin sveimaði hluturinn í nokkrar mínútur yfir fólkinu og þaut svo lóðrétt upp í himinhvolfið. Engin flugumferð var yfir Reykjavík á þessum tíma og skyggni ágætt samkvæmt Veðurstofunni.

Fljúgandi diskur, þyrla eða hillingar

Sigurgeir Sigurjónsson hæstaréttarlögmaður sá hlutinn og sagði við Morgunblaðið: „Ég þaut út og sá lýsandi hnött ekki mjög hátt á lofti – það er ekki gott að giska á fjarlægðir í lofti að kvöldi til þegar ekkert er til að miða við – en þessi líkami, sem þarna var á ferðinni nálgaðist jörðu, nálgaðist Reykjavík, og stækkaði eftir því sem hann kom nær.“ Enn fremur: „Þessi líkami minnir mig einna helzt á þær myndir, sem ég hef séð af fljúgandi diskum.

Henrik Biering kaupmaður og Magnús Ólafsson læknir, og fjölskyldur þeirra, sáu einnig fyrirbærið. Sögðu þeir að á því hefðu verið gluggar og eins konar hali aftur úr.

Haft var samband við Pál Bergþórsson veðurfræðing sem taldi að fyrirbærið gæti hafa verið speglun hlutar fyrir utan sjóndeildarhring. Slíkt gæti gerst við svokölluð hitahvörf.

Það voru ekki aðeins almennir borgarar sem tóku eftir fyrirbærinu. Halla Guðmundsdóttir hjá Veðurathugunarstöðinni sagðist hafa séð rauðleitt ljós fara í átt að Sjómannaskólanum, ekki mjög hátt á lofti, og taldi að mögulega hefði þetta verið þyrla. Fólk í flugturninum sá ljósin einnig. Það fékkst síðar staðfest frá varnarliðinu að engin þyrla var á lofti þetta kvöld. Morgunblaðið velti því fyrir sér hvort um raunverulegan fljúgandi furðuhlut (UFO) væri að ræða.

Vandræðalegt

Degi seinna greindi Alþýðublaðið frá því að geimverur hafi hvergi komið nálægt þetta kvöld. Þar segir:

Uppgötvuðu menn svo, sér til mikillar skelfingar, að þetta „dularfulla fyrirbrigði“ reyndist vera loftbelgsræksni og nokkrir strákpattar höfðu sett eld í svo hann logaði allur að innan, er hann komst á loft. Hafa þeir „geimsjáendur“ sjálfsagt hrokkið upp við vondan draum og haft síðan hljótt um sig frá því.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Fyrir 9 klukkutímum

Morðingi giftir sig, andvaraleysi og eggjakast

Morðingi giftir sig, andvaraleysi og eggjakast
Eyjan
Fyrir 9 klukkutímum

Um gamla, nýja, umdeilda og horfna kirkjugarða – og grafreiti sem færast lengra og lengra frá borgunum eftir því sem pássið minnkar

Um gamla, nýja, umdeilda og horfna kirkjugarða – og grafreiti sem færast lengra og lengra frá borgunum eftir því sem pássið minnkar
433
Fyrir 11 klukkutímum

Bauluðu á eigin leikmann – ,,Ég hlusta ekki á hálfvita“

Bauluðu á eigin leikmann – ,,Ég hlusta ekki á hálfvita“
Bleikt
Fyrir 11 klukkutímum

Mel B opnar sig um sjálfsvígstilraun í ævisögu: „Ég fann líf mitt fjara út“ – „Af hverju, mamma?“

Mel B opnar sig um sjálfsvígstilraun í ævisögu: „Ég fann líf mitt fjara út“ – „Af hverju, mamma?“
Lífsstíll
Fyrir 11 klukkutímum

Snyrtistofan Eva dekrar við þig: Þú átt það skilið!

Snyrtistofan Eva dekrar við þig: Þú átt það skilið!
Fókus
Fyrir 11 klukkutímum

Var upphaf sjálfstæðiskröfunnar frá Dönum komið?

Var upphaf sjálfstæðiskröfunnar frá Dönum komið?
Lífsstíll
Fyrir 13 klukkutímum

Settu gleðistund í jólapakkann: Gjafakort í Þjóðleikhúsið er tilvalin jólagjöf

Settu gleðistund í jólapakkann: Gjafakort í Þjóðleikhúsið er tilvalin jólagjöf
Matur
Fyrir 13 klukkutímum

Hún er kölluð 3-3-2-2 aðferðin og gæti gjörbreytt matreiðslunni þinni

Hún er kölluð 3-3-2-2 aðferðin og gæti gjörbreytt matreiðslunni þinni