Ljótasti hrekkur ársins

Einar Þór Sigurðsson skrifar
Miðvikudaginn 27. desember 2017 10:50

Andrew Howell, fjölskyldufaðir í Bynea í Wales, hélt að henni hefði dottið í lukkupottinn á jóladag þegar skafmiði gaf til kynna að hann væri orðinn 50 þúsund pundum, rúmum sjö milljónum króna, ríkari.

Howell-fjölskyldan hefur haft þá venju að kaupa skafmiða fyrir hver jól og á jóladag sest fjölskyldan niður og freistar gæfunnar. Howell settist niður og má segja að hann hafi gjörsamlega misst stjórn á sér þegar hann áttaði sig á því að hann hefði unnið. Hann hljóp um íbúðina, brosandi og hlæjandi enda taldi hann sig hafa dottið í lukkupottinn. En ekki var allt sem sýnist.

Tengdasonur hans ákvað að hrekkja Howell. Hann átti við miðann áður en lét Howell fá hann. Herlegheitin tók hann svo upp á myndband. Vonbrigðin leyndu sér ekki þegar hann komst að hinu sanna í málinu.

„Hann tók þessu ágætlega. Við erum vön því að hrekkja hvert annað og hann er mjög auðvelt skotmark,“ segir eiginkona Howells, Christine.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af