Óhætt er að segja að Reykjavíkurborg hafi breyst mikið á undanförnum rúmu 90 árum. Á vef YouTube má nálgast myndskeið sem sýnir höfuðborg okkar Íslendinga árið 1926.
Það er The Burton Holmes-skjalasafnið sem á myndbandið en Burton Holmes var mikill ferðalangur og jafnan nefndur faðir ferðakvikmyndanna.
Á myndbandinu sést meðal annars þegar komið er til hafnar í Reykjavík. Þá sjást meðal annars Dómkirkjan og Austurvöllur og íslenskir glímukappar sýna þjóðaríþrótt Íslendinga. Myndbandið er sannarlega góð og skemmtileg heimild um gamla tíma.