Níðingsverk í Napa

Kayleigh varð fórnarlamb móður sinnar og kærasta hennar

Kolbeinn Þorsteinsson
Sunnudaginn 10. september 2017 21:00

Þann 1. febrúar, 2014, barst Neyðarlínunni í Napa í Kaliforníu símtal frá ónafngreindum vini parsins Söruh Lynn Krueger og Ryan Scott Warner. Erindið var fremur ógeðfellt.

Umræddur vinur hafði kvöldið áður heimsótt Söruh og Ryan og þá séð Kayleigh, þriggja ára dóttur Söruh, andvana. Hann vildi ekki blanda sér í málið og sagði þeim að hafa samband við lögregluna hið snarasta.
Þegar honum varð ljóst að þau höfðu ekki farið að ráðum hans hringdi hann sjálfur.

Lík í ferðatösku

Þegar lögreglan kom á heimili Söruh og Ryan var þau hvergi að finna. Hins vegar lá líkið af Kayleigh í ferðatösku á rúmi hennar, hálffreðið. Að sögn lögreglunnar var ljóst að líkið hafði verið í frysti í nokkrar klukkustundir.

„Líkaminn hennar var enn mjög kaldur viðkomu þegar hann lögreglan fann hann. Við getum ekki sagt með vissu hve lengi hún var í frystinum,“ sagði Kecia Lind saksóknari síðar.

Skötuhjúin voru flúin, höfðu lagt á flótta fyrr þennan morgun. Þau voru handtekin daginn eftir á veitingastað í El Cerrito. Í síma Söruh fundust vísbendingar um að hún hefði framkvæmt leit að fjölmennustu borgum Bandaríkjanna.

Langvarandi ofbeldi

Líkskoðun sýndi fram á að litla stúlkan hefði búið við langvarandi ofbeldi. Fjöldi áverka, sem ekki verður lýst frekar hér, var á líkama hennar.

Taldi saksóknari að ofbeldið hefði hafist mörgum mánuðum fyrir dauða Kayleigh, en hefðu færst í aukana sennilega tvo síðustu mánuði ævi hennar.

Sarah og Ryan fullyrtu að Kayleigh hefði dáið eftir að hafa drukkið einhvern óskilgreindan eitraðan vökva. Þau gátu ekki með sannfærandi hætti útskýrt áverkana á líki hennar.

Að sögn saksóknara höfðu Sarah og Ryan verið í mikilli metamfetamínneyslu svo dögum skipti áður en þau börðu Kayleigh til bana 30. janúar 2014.

Ein réttarhöld, tveir kviðdómar

Réttarhöldin yfir Söruh og Ryan hófust 1. maí, 2017, og var réttað yfir þeim samtímis. Hins vegar yrðu örlög þeirra í höndum tveggja aðskilinna kviðdóma.

Þriðjudaginn 31. maí lá niðurstaða beggja kviðdóma fyrir og ljóst að enginn kviðdómara beggja kviðdóma efaðist um sekt parsins.

Þann 27. júlí var kveðinn yfir þeim dómur og fengu þau bæði lífstíðardóm án möguleika á reynslulausn.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Fyrir 3 klukkutímum

Eldsvoði og fjöldi ökumanna í annarlegu ástandi

Eldsvoði og fjöldi ökumanna í annarlegu ástandi
Pressan
Fyrir 4 klukkutímum

Kosningastjóri Trump krefst þess að Jeff Sessions dómsmálaráðherra verði rekinn úr embætti

Kosningastjóri Trump krefst þess að Jeff Sessions dómsmálaráðherra verði rekinn úr embætti
Bleikt
í gær

Íslenskar konur deila bráðfyndnum lygum sem þær trúðu sem börn

Íslenskar konur deila bráðfyndnum lygum sem þær trúðu sem börn
Fréttir
í gær

Myndband: Brjálaðist við flugþjón eftir að hann fékk samloku með kalkúna„skinku“

Myndband: Brjálaðist við flugþjón eftir að hann fékk samloku með kalkúna„skinku“
Fókus
í gær

Árið er 1998 – Svona bjuggu þær Carrie, Samantha, Miranda og Charlotte: 90’s lúkk og litir fyrir allann peninginn

Árið er 1998 – Svona bjuggu þær Carrie, Samantha, Miranda og Charlotte: 90’s lúkk og litir fyrir allann peninginn
Fréttir
í gær

Kyntáknið Þorsteinn Guðmundsson kemur Rúrik til varnar: „Við erum ekki kjötflykki, við erum manneskjur“

Kyntáknið Þorsteinn Guðmundsson kemur Rúrik til varnar: „Við erum ekki kjötflykki, við erum manneskjur“