fbpx

Vandræðalegt atvik hjá BBC: Rugluðu forsætisráðherra Skotlands við górilluna Kumbuka

Björn Þorfinnsson
Sunnudaginn 16. október 2016 16:00

Vandræðalegt atvik átti sér stað í morgunþætti breska ríkissjónvarpsins BBC Breakfast. Annar kynnir þáttarins, Naga Munchetty, tilkynnti sjónvarpsáhorfendum að von væri á skoska forsætisráðherranum Nicola Sturgeon í þáttinn. Tilgangur heimsóknarinnar væri sá að ræða möguleikann á annarri þjóðaratkvæðagreiðslu um sjálfstæði Skotlands. Í stað þess að sýna mynd af Sturgeon blasti við myndskeið af annarri sjálfstæðishetju, górillunni Kumbuka, sem nýlega braust út í frelsið úr dýragarðinum í London. Af myndskeiðinu að dæma hafði Kumbuka engan áhuga á að ræða sjálfstæði Skotlands.

Meðstjórnandi Munchetty, sjónvarpsmaðurinn Charlie Stayt áttaði sig strax á mistökunum og baðst afsökunar á þeim. . Skömmu seinna birtist Sturgeon sjónvarpskjá í símaviðtali og þátturinn hélt áfram eins og ekkert hefði í skorist, að því undanskildu að þáttastjórnendur áttu erfitt með að halda aftur af hlátrinum.

Í tilefni þessarar skemmtilegu uppákomu rifja erlendir fréttamiðlar upp atvik þar sem veðurfréttamaðurinn Simon McCoy greip pakka af prentpappír í misgripum fyrir ipad-inn sinn og ríghélt í pakkann í útsendingunni þrátt fyrir að lítið gagn væri af honum.

Hér má sjá atvikið með Sturgeon og Kumbuka:

Mccoy í miðjum ipad-ruglingi

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

433
Fyrir 3 klukkutímum

Cristiano Ronaldo telur að hann verði betri en Cristiano Ronaldo

Cristiano Ronaldo telur að hann verði betri en Cristiano Ronaldo
Menning
Fyrir 3 klukkutímum

Skrítipönksveitin Skátar með tónleika ásamt Bagdad Brothers og Man Kind

Skrítipönksveitin Skátar með tónleika ásamt Bagdad Brothers og Man Kind