Brynjar Níelsson, þingmaður Sjálfstæðisflokksins, er líkt og margir aðrir langþreyttur á Pírötum og þá sérstaklega fyrirspurnum Björns Leví Gunnarssonar. Brynjar fór mikinn í þættinum Harmageddon á X-inu 977 og talaði um fáránleika þess að biðja um að skrá niður óskráðar reglur.
Björn Leví er ekki að láta þetta neitt fá á sig og vill í nýjustu fyrirspurnum sínum vita hvort ráðherra telji kjararáð vera stjórnvald og hvað ráðherra telji vera „veigamiklar ástæður.“ Hvort Björn ætli sér að ergja Brynjar skal látið ósagt, en þetta mun án efa ergja hann allhressilega.
