Eitt stórt samsæri

Ritstjórn DV
Þriðjudaginn 8. maí 2018 11:14

Björg Kristín Sigþórsdóttir

Miðað við allar skoðanakannanir þá er Höfuðborgarlistinn ekki að mælast með neitt fylgi í Reykjavík og lítið bendir til þess að flokkurinn nái inn manni. Það á reyndar ekki við allar skoðanakannanir því að skoðanakönnun Höfuðborgarlistans sjálfs bendir til að hann sé með fylgi á par við Pírata og Vinstri græn. Eða hvað?

Björg Kristín Sigþórsdóttir, oddviti Höfuðborgarlistans, sagði í Morgunútvarpinu á Rás 2 í morgun að hún tæki lítið mark á skoðanakönnunum Gallup, Fréttablaðsins og Morgunblaðsins. Gaf hún í skyn að hinn svokallaði fjórflokkur væri búinn að kaupa niðurstöðurnar og útiloka þannig Höfuðborgarlistann:

„Þetta eru að mínu mati skoðanamyndandi kannanir, það er bara mín skoðun. Þess vegna erum við að gera okkar eigin kannanir, við sjáum það að Fréttablaðið… það eru fjórflokkarnir sem eru að dæla peningum í þessa fjölmiðla og ég… við… látum gera okkar skoðanakannanir því að við erum ekki með þar. Þetta er marktæk könnun,“ sagði Björg Kristín og vísaði til könnunar sem MMR gerði fyrir Höfuðborgarlistann. Það eru vægast sagt stór orð að væna stjórnmálaflokka, könnunarfyrirtæki og fjölmiðla um eitt stórt samsæri í garð Höfuðborgarlistans.

Þegar fyrri könnun MMR fyrir Höfuðborgarlistann er skoðuð kemur í ljós að 5,6% sögðust geta hugsað sér að kjósa Höfuðborgarlistann og í seinni könnuninni voru það heil 12,8% sem gátu hugsað sér að kjósa Höfuðborgarlistann.

Það er spurning hvort liðsmenn Höfuðborgarlistans átti sig á að það er smá munur á því að geta hugsað sér að kjósa eitthvað og að ætla að kjósa eitthvað. Það eru örugglega einhverjir sem ætla að kjósa Pírata sem geta hugsað sér að kjósa Samfylkinguna og einhverjir sem ætla að kjósa Sjálfstæðisflokkinn sem gætu hugsað sér að kjósa Miðflokkinn. Það eina sem könnun Höfuðborgarlistans sýnir fram á er að 87,2% Reykvíkinga geta ekki hugsað sér að kjósa Höfuðborgarlistann.

Miðað við þær kannanir sem byggja á því að kjósendur eru spurðir hvað þeir ætla að kjósa þá fara líkurnar á brú yfir á Álftanes, sem er Garðabær á að borga, dvínandi.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Lífsstíll
Fyrir 10 klukkutímum

Skúli Craftbar – Frábær stemning og Bao Bun-vagninn á Fógetatorgi

Skúli Craftbar – Frábær stemning og Bao Bun-vagninn á Fógetatorgi
FókusFréttir
Fyrir 10 klukkutímum

Rut bjó til hálsmen úr endajaxli og gaf kærastanum svo hann geti verið með hluta af henni á sér

Rut bjó til hálsmen úr endajaxli og gaf kærastanum svo hann geti verið með hluta af henni á sér
Fyrir 10 klukkutímum
Hvar eru konurnar?
Fókus
Fyrir 10 klukkutímum

Anna Sigríður setur á sig skikkjuna og hleypur fyrir Stígamót

Anna Sigríður setur á sig skikkjuna og hleypur fyrir Stígamót
433
Fyrir 10 klukkutímum

Ragnar Klavan farinn til Ítalíu

Ragnar Klavan farinn til Ítalíu
433
Fyrir 11 klukkutímum

Pepsi-deild kvenna: Frábær sigur ÍBV á Hlíðarenda – Þór/KA skoraði níu

Pepsi-deild kvenna: Frábær sigur ÍBV á Hlíðarenda – Þór/KA skoraði níu
Fyrir 13 klukkutímum

Vísindakirkjan herjar á Borgfirðinga: „Beit hann af mér með þumbaraskap og almennri ókurteisi“

Vísindakirkjan herjar á Borgfirðinga: „Beit hann af mér með þumbaraskap og almennri ókurteisi“
Lífsstíll
Fyrir 14 klukkutímum

Bóksala stúdenta – Lifandi og skemmtilegt samfélag fyrir alla, stúdenta sem aðra

Bóksala stúdenta – Lifandi og skemmtilegt samfélag fyrir alla, stúdenta sem aðra