fbpx
Fimmtudagur 13.desember 2018

Kjósum til að þurfa ekki að kjósa aftur

Svarthöfði
Laugardaginn 28. apríl 2018 13:53

Svarthöfði klórar sér reglulega í hjálminum þegar hann hugsar hvað skuli kjósa í sveitarstjórnarkosningunum í vor, ef hann ætlar að kjósa því eins og flestum er honum nánast alveg sama hvaða gerpi fær sæti í stjórn Strætó eða Faxaflóahafna. Það verður hvort eð er aldrei neinn sem hefur tekið strætó eða migið í saltan sjó. Hvað þá að Svarthöfði nenni að ákveða hvort hann vilji borgarlínu eða mislæg gatnamót. Svarthöfði er Íslendingur, hann veit að þetta reddast.

Þrátt fyrir að framboðin séu álíka mörg og íbúafjöldinn í Vestur-Barðastrandarsýslu, þá er enginn flokkur sem nær að heilla. Eini flokkurinn sem komst næst því var fyrirhugað framboð Margrétar Friðriksdóttur sem átti að fylgja skoðanakönnunum í einu og öllu. Flokkur sem myndi bara gera það sem fólkið vill. Það er flokkur sem á alvöru erindi, bæði á þing og í sveitarstjórnir. Ágreiningur? Ekkert mál, ein skoðanakönnun og málið er dautt.

Ef flokkurinn, sem Svarthöfði kýs að kalla Íslandsfylkingarflokkinn, næði hreinum meirihluta þá væru öll vandamál Íslendinga úr sögunni. Við þyrftum aldrei að sitja uppi með dómsmálaráðherra sem meirihlutinn vill að fari. Þá yrðu engar áfengisauglýsingar, engin einkarekin heilbrigðisþjónusta, en samt héldum við einkarekinni heilbrigðisþjónustu sem almenningur vill að sé í boði, enginn Steingrímur og þingmenn þyrftu að ganga í vinnuna, sporslulausir og dagpeningasnauðir.

Landhelgisgæslan myndi taka yfir flest ef ekki öll hlutverk í samfélaginu því það er stofnunin sem flestir treysta. Ísland yrði áfram með stjórnarskrárvarða þjóðkirkju, en það batterí myndi boða trú á guð en ekki of mikla trú því meirihlutinn trúir ekki að guð hafi skapað heiminn. Börn myndu komast mánaðargömul inn á leikskóla þar sem leiðbeinendurnir væru með milljón á mánuði, án þess að það yrðu hækkaðir skattar. Og allir og amma þeirra myndu heyra undir kjararáð, sem yrði samt lagt niður.

Þvílík paradís, þá værum við líka laus við að þurfa að kjósa á hverju einasta ári, þyrftum ekki einu sinni að kjósa aftur. Höfnum stefnumarkaða draslinu, kjósum Íslandsfylkingarflokkinn!

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Matur
Fyrir 2 klukkutímum

Frábær ráð fyrir jólaþrifin: Ekki eyða mörgum klukkutímum í hreingerningar – Þú þarft bara hálftíma

Frábær ráð fyrir jólaþrifin: Ekki eyða mörgum klukkutímum í hreingerningar – Þú þarft bara hálftíma
Pressan
Fyrir 2 klukkutímum

Franska lögreglan skaut Cheriff Chekatt til bana fyrir stundu

Franska lögreglan skaut Cheriff Chekatt til bana fyrir stundu
433
Fyrir 3 klukkutímum

Giroud kom mörgum á óvart – Sjáðu mark hans í kvöld

Giroud kom mörgum á óvart – Sjáðu mark hans í kvöld
433
Fyrir 3 klukkutímum

Tvö aukaspyrnumörk tryggðu Chelsea stig – Jón Guðni og Arnór í 32-liða úrslit

Tvö aukaspyrnumörk tryggðu Chelsea stig – Jón Guðni og Arnór í 32-liða úrslit
433Sport
Fyrir 4 klukkutímum

Stjörnur Liverpool í erfiðleikum gegn United – Tölfræðin athyglisverð

Stjörnur Liverpool í erfiðleikum gegn United – Tölfræðin athyglisverð
Fókus
Fyrir 4 klukkutímum

Lovísa Hrund lést í skelfilegu slysi 17 ára – „Hún vissi hvað var að fara að gerast. Þeirri staðreynd er erfitt að lifa með“

Lovísa Hrund lést í skelfilegu slysi 17 ára – „Hún vissi hvað var að fara að gerast. Þeirri staðreynd er erfitt að lifa með“
Fókus
Fyrir 5 klukkutímum

Frægir sem hata jólin – „Hvílík sóun á pappír!“

Frægir sem hata jólin – „Hvílík sóun á pappír!“
433
Fyrir 6 klukkutímum

Ronaldo staðfestir að hann sé að reyna að fá efnilegasta leikmann Real

Ronaldo staðfestir að hann sé að reyna að fá efnilegasta leikmann Real