Þú skalt ekki ljúga

Ritstjórn DV skrifar
Sunnudaginn 15. apríl 2018 15:30

Agnes M. Sigurðardóttir, biskup Íslands, virtist standa keik í drottningarviðtali í sjónvarpsþættinum Kveik sem sýndur var á RÚV í vikunni. Talaði Agnes hún meðal annars um að fara í átak til að byggja upp traust og fyrirbyggja árásir á sig og þjóðkirkjuna. „Ég kalla það árásir þegar það er verið að tala um eitthvað sem er ekki rétt, það er verið hreinlega að ljúga upp á biskupinn og kirkjuna,“ sagði Agnes. Í sama viðtali segir Agnes að hún hafi ekki beðið um launahækkun, sem eru athyglisverð ummæli því að í desember 2015 sendi Agnes bréf á kjararáð þar sem hún biður um launahækkun. Er það svona sem á að hefja átak kirkjunnar til að byggja upp traust? Með því að fella niður boðorðið „Þú skalt ekki ljúga“?

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af