Útvarpsmaðurinn beitti, Frosti Logason, vakti mikla athygli í vikunni fyrir að líkja femínistanum Hildi Lilliendahl Viggósdóttur óbeint við Adolf Hitler í umræðum á Bylgjunni. Var hann að vísa til hópsins sem setur „læk“ við hverja einustu færslu Hildar og stuðlar þannig að öfgakenndri umræðu. Talaði hann um fólkið sem studdi Hitler í blindni á árunum fyrir stríð. Frosti bað Hildi innilegrar afsökunar á þessum ummælum í þættinum Harmageddon á X-inu daginn eftir. Verða sagn- og stjórnmálafræðispekúlantar að sætta sig við að þrátt fyrir að margt sé merkilegt við Þriðja ríkið og uppgang þess þá mun Helförin alltaf verða það eina sem almenningur tengir við. Eins og Frosti sagði sjálfur, það er alltaf glatað að nota Hitler í samlíkingum. Er þetta meira að segja sérstaklega kennt í rökfræði undir fræðiheitinu Reducto ad Hitlerum.