Hörpumálið svokallaða virðist blásið yfir, það er ekki lengur í almannaumræðunni að Svanhildur Konráðsdóttir sitji áfram sem forstjóri Hörpu og hvorki hún né stjórnin þurfi að bera neina ábyrgð á því að laun þjónustufulltrúa voru lækkuð en ekki stjórnenda. Landspítalanum var alveg sama og hélt sinn aðalfund í Hörpu eins og ekkert hefði í skorist. Sem betur fer fyrir meirihlutann í borginni, sem á sínum tíma hélt tvær mörg hundruð þúsund króna veislur fyrir Svanhildi þegar hún hætti sem sviðsstjóri hjá borginni. Enginn kannast heldur við að hafa skipað stjórn Hörpu eða stigið fram og heitið því að skipta út stjórnarformanninum sem kenndi fjölmiðlum um að ljóstra upp um málið.