Svandís Svavarsdóttir heilbrigðisráðherra hefur hafið baráttu sína gegn einkarekstri í heilbrigðisþjónustu með því að hætta fjárveitingum til Hugarafls. Markmiðið er að færa geðheilbrigðisþjónustuna yfir til ríkisins, markmið sem andstæðingar einkareksturs í heilbrigðisþjónustu ættu að vera ánægðir með. Notendur þjónustunnar og aðstandendur eru skiljanlega hræddir við framtíðina enda miklu þægilegra að geta gengið hvenær sem er inn fyrir dyr Hugarafls í stað þess að bíða eftir tilvísununum og plássi hjá hinu opinbera. Ef þetta er staðan í dag, þá er vel hægt að sjá fyrir sér lætin sem verða þegar heimsóknir í Domus Medica, Orkuhúsið og á Læknavaktina verða ekki lengur niðurgreiddar.