fbpx

Hættu að fótbrjóta fólk Dagur!

Ritstjórn DV
Fimmtudaginn 29. mars 2018 17:00

Svarthöfði skellti sér út að hjóla í tilefni af snjóleysi síðustu vikna. Kosningar í Reykjavík nálgast óðfluga og rúmlega helmingur af flokkunum 12 sem ætla að bjóða fram vilja að borgarbúar hjóli í stað þess að keyra. Ljósin á hjólinu virkuðu, keðjurnar á hjólinu voru vel smurðar og eins og allir vita er Svarthöfði alltaf með hjálm, því stefndi allt í ánægjulegan hjólatúr um Reykjavík.

Þegar Svarthöfði var að njóta þess að svífa framhjá umferðinni á Grensásvegi rann hjólið í mölinni með þeim afleiðingum að undirritaður datt af hjólinu og meiddist þó nokkuð. Leiðin lá á slysadeildina þar sem þreyttir og fátækir heilbrigðisstarfsmenn sáu um að gera að sárunum. Talið barst að orsökum óhappsins og sagði þá þreytta og fátæka hjúkkan við Svarthöfða að hann væri sá þriðji á nokkrum dögum sem hefði runnið á hjóli í mölinni sem hylur hjólastíga borgarinnar. Tveir strákar hefðu brotið bein eftir að hafa dottið af hjóli í mölinni.

Nú er Svarthöfði þannig gerður að honum finnst að ábyrgðin eigi ávallt að vera á herðum hæstráðanda. Þannig mun Dagur B. Eggertsson borgarstjóri vera ábyrgur fyrir skólpinu sem lak í fyrrasumar og var nánast búið að gera út af við sjósund í Faxaflóa. Dagur er einnig ábyrgur fyrir Orkuveitu Reykjavíkur, Svarthöfði viðurkennir reyndar að hann viti lítið um það batterí allt en það er örugglega eitthvað spillt. Þannig er Dagur borgarstjóri ábyrgur fyrir því að tveir strákar séu búnir að brjóta á sér fæturna.

Það er algjörlega galið að borgarstjóri sé að fótbrjóta ungmenni eins og enginn sé morgundagurinn. Þótt vissulega hafi Dagur verið að reyna að sleppa því að fótbrjóta unga sem aldna með því að sanda göturnar þegar það er ísing og snjór þá er hann klárlega að reyna að fótbrjóta ungmenni með því að gleyma að sópa burtu sandinum þegar það vorar.

Annars er margt furðulegt við þetta ástarsamband borgarmeirihlutans við hjólreiðar. Það eru alltaf til peningar til að leggja hjólastíga, byggja brýr og þrengja götur en það er ekki hægt að halda þeim við. Það er hægt að sanda en ekki hægt að moka sandinum burt. Ungmenni eiga að hjóla með hjálm en þau mega ekki fá ókeypis hjálm í skólanum því börnin gætu farið að hugsa hlýlega til einhvers skipafyrirtækis. Svo vill borgarstjóri að allir fari út að hjóla en stundar það að fótbrjóta ungmenni.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Fyrir 10 klukkutímum

Segir að Austur verði lokað í kvöld: Harðvítugar deilur – „Við erum búin að skila leyfinu og loka staðnum“

Segir að Austur verði lokað í kvöld: Harðvítugar deilur – „Við erum búin að skila leyfinu og loka staðnum“
Fókus
Fyrir 10 klukkutímum

Meghan gefur út matreiðslubók – Fyrsta góðgerðarverkefnið í samvinnu við eftirlifendur Grenfell-eldsvoðans

Meghan gefur út matreiðslubók – Fyrsta góðgerðarverkefnið í samvinnu við eftirlifendur Grenfell-eldsvoðans
433
Fyrir 10 klukkutímum

Inkasso-deildin: ÍA meistari eftir tap hjá HK

Inkasso-deildin: ÍA meistari eftir tap hjá HK
433
Fyrir 11 klukkutímum

Upphitun fyrir Arsenal – Everton: Sjáðu líkleg byrjunarlið, stuðla og fleira

Upphitun fyrir Arsenal – Everton: Sjáðu líkleg byrjunarlið, stuðla og fleira
433
Fyrir 11 klukkutímum

Einkunnir úr leik Manchester United og Wolves – Sanchez slakur

Einkunnir úr leik Manchester United og Wolves – Sanchez slakur
433
Fyrir 11 klukkutímum

Einkunnir úr leik Liverpool og Southampton – Shaqiri fær átta

Einkunnir úr leik Liverpool og Southampton – Shaqiri fær átta
433
Fyrir 12 klukkutímum

Pepsi-deild kvenna: Íslandsmeistararnir töpuðu í lokaumferðinni

Pepsi-deild kvenna: Íslandsmeistararnir töpuðu í lokaumferðinni
Fréttir
Fyrir 12 klukkutímum

Framsóknarmenn með hæstu launin á þingi

Framsóknarmenn með hæstu launin á þingi