fbpx
Þriðjudagur 19.febrúar 2019

LEIÐARI: Réttur til þungunarrofs er nauðsyn

Kristinn H. Guðnason
Laugardaginn 10. nóvember 2018 15:00

Drekking Aftökuaðferð fyrir konur sem báru út börn sín.

Ekki missa af Helstu tíðindum dagsins í pósthólfið þitt

Lesa nánar

Þungunarrof, eða fóstureyðingar eins og áður var sagt, er nú á milli tannanna á fólki. Er það vegna nýs frumvarps sem víkkar út rétt og tímaramma kvenna í þeim efnum. Það er vel og mætti víkka rammann enn frekar. Að neita konu um þungunarrof og neyða hana til þess að ganga með fóstur sem hún vill ekki er glæpur og mannréttindabrot af verstu sort. Hrein forneskja.

Hryllileg er sú saga kvenna í gegnum aldirnar sem þurftu að ganga með og eiga börn sem þær gátu ekki eða vildu ekki eiga. Lá sú ábyrgð ekki hjá þeim konum heldur siðapostulum og valdamönnum þess tíma. Langoftast karlmönnum.

Þurftu þessar konur í skjóli myrkurs að láta framkvæma ólöglegar fóstureyðingar við slæmar aðstæður og lítið hreinlæti. Ekki lifðu allar af heldur létust vegna blæðinga eða sýkinga. Einnig gátu þær verið dregnar til ábyrgðar sem og þær ljósmæður sem yfirleitt framkvæmdu þessar aðgerðir. Á Íslandi voru dulsmál algeng. Konur huldu þá meðgönguna eins og þær gátu og fyrirfóru barninu strax eftir fæðingu. Oft voru þetta ungar stúlkur sem bóndinn á bænum hafði barnað og jafnvel nauðgað. Viðurlögin voru dauði.

Erfitt eða ómögulegt er fyrir karlmann að setja sig í þessi spor. En þó liggur það í augum upp að þungunarrof er aldrei auðveld ákvörðun. Sérstaklega ekki seint á meðgöngunni þegar konan þarf að ganga í gegnum fæðingu með öllum þeim líkamlegu og andlegu áskorunum sem því fylgir. Alltaf liggur góð ástæða þar að baki.

Andstaðan við réttinn til þungunarrofs kemur oftast frá sömu átt. Trúuðu, íhaldssömu og eldra fólki, sérstaklega karlmönnum. Þeir róttækustu líkja þungunarrofi við barnsmorð. Skilningsleysið á aðstæðunum og virðingin fyrir mannréttindum er engin. Konur sem eru að ganga í gegnum einhvern erfiðasta tíma lífs síns eru úthrópaðar sem morðingjar.

Ég vil trúa því að Ísland sé frjálslynt land þar sem mannréttindi eru virt. Að mannúð sé höfð í hávegum þegar fólk er að ganga í gegnum erfiða tíma og aðstæður sem það ræður ekki við. Ekki samfélag þar sem trúarkreddur og bábiljur standa í vegi fólks og geri því erfitt fyrir.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Fyrir 1 klukkutíma

Emmsjé Gauti fór á skeljarnar: „Hún sagði já!“

Emmsjé Gauti fór á skeljarnar: „Hún sagði já!“
Eyjan
Fyrir 1 klukkutíma

Vilhjálmur sótillur og rauk af sáttafundi: „Ég gat ekki setið þarna inni leng­ur“

Vilhjálmur sótillur og rauk af sáttafundi: „Ég gat ekki setið þarna inni leng­ur“
433
Fyrir 3 klukkutímum

Klopp vildi Sancho en átti ekki séns

Klopp vildi Sancho en átti ekki séns
Fókus
Fyrir 3 klukkutímum

Helga Möller sviptir hulunni af sínu vinsælasta lagi: „Þetta er náttúrulega bara klámtexti“

Helga Möller sviptir hulunni af sínu vinsælasta lagi: „Þetta er náttúrulega bara klámtexti“
Fréttir
Fyrir 3 klukkutímum

Systir Jóns harmi slegin: „Hvernig getur einhver horfið sporlaust um hábjartan dag?“

Systir Jóns harmi slegin: „Hvernig getur einhver horfið sporlaust um hábjartan dag?“
Fréttir
Fyrir 4 klukkutímum

Elvar og Sveinn í rusli eftir Hlíðamálið: „Það gera allir mistök í lífinu“

Elvar og Sveinn í rusli eftir Hlíðamálið: „Það gera allir mistök í lífinu“
Fréttir
Fyrir 4 klukkutímum

Haukur hvetur karla til að labba út: „Gargandi óréttlæti“

Haukur hvetur karla til að labba út: „Gargandi óréttlæti“
433
Fyrir 4 klukkutímum

Líklegt byrjunarlið Liverpool í kvöld: Nær Firmino heilsu?

Líklegt byrjunarlið Liverpool í kvöld: Nær Firmino heilsu?