fbpx
Fimmtudagur 21.febrúar 2019

Togaratilviljun

Björn Þorfinnsson
Sunnudaginn 15. apríl 2018 18:44

Skipið var í íslenskri eigu í rúm þrjú ár en lauk viðburðaríkum ferli sínum sem vettvangur sjóræningjaútvarpsstöðvar

Ekki missa af Helstu tíðindum dagsins í pósthólfið þitt

Lesa nánar

Það getur verið fjörlegt verkefni að gefa út veglegt helgarblað í viku hverri. Markmið okkar er að blaðið sé stútfullt af fjölbreyttu efni og eins og gengur þá reynum við blaðamennirnir að skipta með okkur verkum. Ýmislegt kemur upp á í þessum bransa og því þurfa blaðamenn að bregða sér í allra kvikinda líki og skrifa um allt milli himins og jarðar. Á dögunum brá blaðamaðurinn og sagnfræðingurinn Kristinn H. Guðnason sér í stutt frí og þá þurftu aðrir að skrifa í Tímavélina okkar sem hann hefur gert svo listilega vel undanfarna mánuði.

Gapandi auð síða blasti við þegar skil í prentsmiðjuna nálguðust óðfluga. Ég hafði lofað að finna eitthvert efni og að sjálfsögðu var ég gjörsamlega andlaus. Í örvæntingu minni mundi ég skyndilega eftir sögu sem tengdafaðir minn, Guðmundur Ásgeirsson, hafði sagt mér fyrir mörgum árum um íslenskan togara, Frey RE-1, sem varð vettvangur vinsællar útvarpsstöðvar í Bretlandi. Hann þekkti sögu skipsins vel enda hafði hann verið stýrimaður þess um tíma.

Á methraða fann ég nokkrar gamlar greinar á timarit.is sem og Wikipediu-síðu útvarpsstöðvarinnar og vann stutta grein um skipið upp úr því. Ég hafði engan tíma til að hringja í tengdaföður minn en var viss um að hann hefði gaman af því að lesa þessa stuttu grein þegar hún birtist á prenti.

Sama dag og blaðið kom út þá var tengdamóður minni, Ólöfu Guðfinnsdóttur, boðið í kvöldmat. Hún var ein á ferð og ástæðan var sú að Guðmundur hafði brugðið sér í stutta helgarferð til útlanda með skömmum fyrirvara, eitthvað sem ég hafði ekki hugmynd um. „Það voru einhver samtök úti í Bretlandi sem vildu endilega fá hann út til þess að tala um frægt skip sem hann var stýrimaður á. Það verður víst allt kvikmyndað í bak og fyrir til þess að varðveita sögu skipsins,“ sagði Ólöf við matarborðið. Ég sýndi henni þá nýprentað eintak blaðsins og það sem eftir var kvöldsins ræddum við um tilviljanir og hvað þær geta verið stórkostlegar.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Eyjan
Fyrir 4 klukkutímum
Togaratilviljun

Mest lesið

Ekki missa af

Matur
Fyrir 7 klukkutímum

Telja tengsl á milli neyslu sykurlausra gosdrykkja og heilablóðfalla og hjartaáfalla hjá miðaldra konum

Telja tengsl á milli neyslu sykurlausra gosdrykkja og heilablóðfalla og hjartaáfalla hjá miðaldra konum
433Sport
Fyrir 7 klukkutímum

Verðmætum stolið á meðan hann spilaði gegn Bayern Munchen

Verðmætum stolið á meðan hann spilaði gegn Bayern Munchen
Fréttir
Fyrir 8 klukkutímum

Lögreglan óskar eftir vitnum: Maður réðst á unga konu

Lögreglan óskar eftir vitnum: Maður réðst á unga konu
433
Fyrir 8 klukkutímum

Byrjunarlið Atletico og Juventus – Ronaldo gegn Griezmann

Byrjunarlið Atletico og Juventus – Ronaldo gegn Griezmann
433
Fyrir 9 klukkutímum

Sarri gagnrýnir Kante – Ekki góður í þessu

Sarri gagnrýnir Kante – Ekki góður í þessu
Matur
Fyrir 9 klukkutímum

Omnom kynnir nýtt súkkulaði: „Engan veginn fyrir alla en 100% fyrir suma“

Omnom kynnir nýtt súkkulaði: „Engan veginn fyrir alla en 100% fyrir suma“
Fréttir
Fyrir 10 klukkutímum

Sást til Jóns Þrastar við bar rétt fyrir hvarfið: „Hlýtur að vera verra en dauði þar sem maður veit ekkert“

Sást til Jóns Þrastar við bar rétt fyrir hvarfið: „Hlýtur að vera verra en dauði þar sem maður veit ekkert“
Bleikt
Fyrir 10 klukkutímum

Topparnir hjá Burberry biðjast afsökunar: „Sjálfsvíg er ekki tíska“

Topparnir hjá Burberry biðjast afsökunar: „Sjálfsvíg er ekki tíska“