fbpx
Fimmtudagur 13.desember 2018
Fréttir

Þrítugur karlmaður henti barni í kaldan pott á Ísafirði

Ritstjórn DV
Miðvikudaginn 10. október 2018 12:15

Héraðsdómur Vestfjarða hefur dæmt rúmlega þrítugan karlmann í 30 daga skilorðsbundið fangelsi fyrir líkamsárás og barnaverndarlagabrot.

Samkvæmt ákæru réðst maðurinn að ungri stúlku þann 18. mars síðastliðinn í Sundhöllinni á Ísafirði. Greip maðurinn undir handleggi hennar og kastaði henni nauðugri ofan í kaldan pott sem stendur á bakka sundlaugarinnar. Afleiðingarnar urðu þær að stúlkan hlaut mar fyrir framan og neðan við bæði hné, og húðrispu fyrir neðan hægra hné.

Í dómi Héraðsdóms Vestfjarða eru tildrög atviksins ekki rakin en að því er segir í dómnum var tilefnið lítið eða ekkert. Maðurinn sem um ræðir hefur ekki sætt refsingu áður svo vitað sé en hvorki hann né verjandi hans mættu þegar málið var tekið til meðferðar í héraðsdómi.

Í niðurstöðu héraðsdóms kemur fram að afleiðingar brotsins virðist ekki hafa verið miklar. Þótti dómara hæfileg refsing 30 dagar í fangelsi en dómurinn er skilorðsbundinn til tveggja ára.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Í gær

Ágúst Ólafur sagði ósatt um tilkynningu sína – Sagði samstarfsfólki að hún væri í samráði við Báru Huld en svo var ekki

Ágúst Ólafur sagði ósatt um tilkynningu sína – Sagði samstarfsfólki að hún væri í samráði við Báru Huld en svo var ekki
Fréttir
Í gær

Hamd dæmdur í tveggja og hálfs árs fangelsi fyrir nauðgun á Hressó

Hamd dæmdur í tveggja og hálfs árs fangelsi fyrir nauðgun á Hressó