fbpx
Sunnudagur 17.febrúar 2019

Svarthöfði: Ekkert hægt að gera um helgar

Ritstjórn DV
Laugardaginn 17. nóvember 2018 09:49

Leiðindi Lítið úrval af skemmtun í borginni.

Ekki missa af Helstu tíðindum dagsins í pósthólfið þitt

Lesa nánar

Það er kannski ekki á vitorði allra lesenda að Svarthöfði á tvö börn. Loga litla og Lilju sem Svarthöfði kallar prinsessuna sína. Þetta eru ágætiskrakkar en frek eins og flest börn eru í dag. Þegar gríslingarnir koma til Svarthöfða gamla á pabbahelgum dugar ekki að hanga heima og láta sér leiðast. Alltaf verður að gera eitthvað.

Þetta er mikið vandamál því Ísland er leiðinlegt land fyrir börn og lítið um að vera. Meira að segja hérna á suðvesturhorninu þar sem nánast allir búa. Google-leitin „Hvað er hægt að gera í Reykjavík með börnum?“ skilar litlu. Hvernig ætli fólk á landsbyggðinni hafi það? Þar hlýtur fólk að setja þunglyndislyf út í kornflexið til þess að komast í gegnum daginn. Hér á Íslandi er kalt, blautt og dimmt stærstan hluta ársins og fámennið gerir rekstrargrundvöll fyrir allan munað erfiðan.

Hér eru jú söfn, misáhugaverð og rándýr. Börnin hafa hins vegar ekki snefil af áhuga á menningu og ferð á safn því í rauninni eins og auka dagur í skólanum fyrir þau.

Kvikmyndahúsin eru opin en hver ferð þangað kostar hátt í tíu þúsund kall. Bíógreifarnir gæta þess að smyrja vel á bæði miðana og gotteríið. Svarthöfði hefur frekar geð í sér til að sækja bíómyndir á torrentsíður og kaupa sælgætið í Bónus.

Sund er hefðbundið svar sem Svarthöfði fær þegar Svarthöfði kvartar yfir skorti á afþreyingu fyrir börn í borginni. Sundlaugarnar eru alls staðar og á viðráðanlegu verði. Sund er aftur á móti ekkert skemmtilegt, hvorki fyrir Svarthöfða né afkvæmi Svarthöfða. Sem dægradvöl eru sundlaugarnar skítaredding Íslendinga. Þar er blautt, kalt, skítugt og hávaði mikill. Auk þess er Svarthöfði ekkert fyrir að sýna bert hold.

Pabbahelgar eru erfiðar á Íslandi. Kvíðavaldandi líka. Í raun er það heilbrigðismál að komið sé upp almennilegri og áhyggjulausri afþreyingu fyrir helgarfeður. Ætti þetta að vera á fjárlögum eða fjármálaáætlun Reykjavíkurborgar. Einhvers konar stofnun sem grípur fólk og sér alfarið fyrir skemmtun yfir heila helgi, endurgjaldslaust. Svarthöfði mun kjósa þann flokk sem lofar því í næstu kosningum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 2 klukkutímum

Lilja Alfreðsdóttir hafnar fréttum um að hún sé að gerast Seðlabankastjóri

Lilja Alfreðsdóttir hafnar fréttum um að hún sé að gerast Seðlabankastjóri
433Sport
Fyrir 2 klukkutímum

Van Dijk fékk athyglisverð skilaboð á fyrstu æfingunni

Van Dijk fékk athyglisverð skilaboð á fyrstu æfingunni
Fyrir 3 klukkutímum

Óíslensk hegðun

Óíslensk hegðun
Matur
Fyrir 3 klukkutímum

Hrönn birtir loksins myndir úr brúðkaupinu: Magnaður metnaður í veitingum

Hrönn birtir loksins myndir úr brúðkaupinu: Magnaður metnaður í veitingum
Fyrir 4 klukkutímum

Banvænn blekkingarleikur frú Baude

Banvænn blekkingarleikur frú Baude
Bleikt
Fyrir 4 klukkutímum

Aníta Briem í bikiníi í fyrsta sinn: „Panikaði auðvitað og djöflaðist í ræktinni“

Aníta Briem í bikiníi í fyrsta sinn: „Panikaði auðvitað og djöflaðist í ræktinni“
Bleikt
Fyrir 16 klukkutímum

Amanda aðhyllist ruslminni lífsstíl: „Allir geta gert eitthvað“

Amanda aðhyllist ruslminni lífsstíl: „Allir geta gert eitthvað“
433
Fyrir 16 klukkutímum

Messi klikkaði og skoraði í sigri Barcelona

Messi klikkaði og skoraði í sigri Barcelona