Fréttir

Óhugnanleg þróun – „Við ættum að vona það besta en búa okkur undir það versta“

Ritstjórn DV
Mánudaginn 10. september 2018 22:00

„Við ættum að vona það besta en búa okkur undir það versta. Og það er sá möguleiki að við deyjum út. Það er möguleiki sem við verðum að taka alvarlega. Ég er ekki að segja að það muni gerast eða að það sé líklegt. En við ættum að búa okkur undir þann möguleika og það höfum við ekki gert.“

Þetta segir Hagai Levine, vísindamaður og einn af forsvarsmönnum stórrar rannsóknar sem varpar ljós á býsna óhugnanlega þróun. Karlmenn á Vesturlöndum framleiða í dag mun færri sæðisfrumur en áður og er munurinn í raun sláandi. Árið 1973 var ekki óalgengt að finna mætti 99 milljónir sáðfrumna í hverjum millilítra sæðis en árið 2011 var þessi fjöldi kominn niður í 47 milljónir frumna. Staðreyndin er sú að ungir karlar framleiða mun minna sæði en feður þeirra og afar gerðu.

Um er að ræða stóra samanburðarrannsókn sem Hebrew University/Mount Sinai framkvæmdi. Bornar voru saman 185 rannsóknir á yfir 40 þúsund körlum og leiddu þær þetta í ljós.

Samantektin tók til rannsókna um allan heim og er staðan langverst á Vesturlöndum. Þannig hefur sæðisframleiðsla karla í ríkjum Suður-Ameríku, Asíu og Afríku ekki minnkað en tekið er fram að mun minna af gögnum komi frá þessum svæðum.

GQ fjallaði ítarlega um niðurstöðurnar á dögunum og ræddi meðal annars við Levine sem er farsóttafræðingur en auk Levine komu Niels Jörgensen, danskur innkirtlasérfræðingur og Shanna H. Swan, æxlunarfræðingur, að rannsókninni.

Ekki liggur nákvæmlega fyrir hvers vegna karlmenn á Vesturlöndum framleiða færri sæðisfrumur að jafnaði en áður en ýmsar getgátur eru þó uppi. Skordýraeitur, eiturefni í umhverfinu, offitu og stressi er jafnvel kennt um. Allt þetta geti leitt til þess að ójafnvægi kemst á hormónastarfsemi líkamans og afleiðingarnar verði þessar.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

FréttirPressan
Í gær

Þrír stungnir í Kaupmannahöfn í nótt

Þrír stungnir í Kaupmannahöfn í nótt
Fréttir
Fyrir 2 dögum

Líkamsárás í Breiðholti – Ökumenn í vímu

Líkamsárás í Breiðholti – Ökumenn í vímu
Eyjan
Fyrir 2 dögum

Óþægilegt fyrir alla

Óþægilegt fyrir alla
Fréttir
Fyrir 2 dögum

Einn af hverjum þremur Íslendingum les ekki bækur á íslensku

Einn af hverjum þremur Íslendingum les ekki bækur á íslensku
Fréttir
Fyrir 3 dögum

Dýraníð á Álftanesi: Aðrir hundaeigendur stíga fram – „Hundarnir þora ekki að fara frá okkur“

Dýraníð á Álftanesi: Aðrir hundaeigendur stíga fram – „Hundarnir þora ekki að fara frá okkur“
Fréttir
Fyrir 3 dögum

Hrafnkell á Tinder eftir að hafa nauðgað konu og reynt að drepa fyrir tveimur árum

Hrafnkell á Tinder eftir að hafa nauðgað konu og reynt að drepa fyrir tveimur árum