Sprenging varð í Stamford Hill í norðurhluta Lundúna í nótt. Að minnsta kosti 30 slösuðust. Ekki er talið að um alvarleg meiðsl sé að ræða. Fólkið var á hátíð á vegum gyðinga í borginni þegar mikil sprenging varð í bálkesti.

Breskir fjölmiðlar segja að misvísandi fréttir hafi borist um hvað hafi valdið sprengingunni en meðal þess sem hefur komið fram er að bensíni hafi verið skvett á bálið og einnig hefur komið fram að farsímar hafi verið á bálkestinum og hafi sprungið.

Á vefsíðunni The Yeshiva World kemur fram að mikil ringulreið hafi orðið í kjölfar sprengingarinnar.