En Alizade hefur ekki enn verið jarðsettur því móðir hans, sem býr í Íran, vill að vonum vera viðstödd útför sonar síns en sænsk yfirvöld hafa neitað henni um vegabréfsáritun. Sænska ríkisútvarpið skýrir frá þessu.
Haft er eftir Viktor Banke, lögmanni móðurinnar, að hann telji að fólk átti sig ekki á hversu harkaleg þessi neitun er. Hann benti á að samkvæmt reglum sé heimilt að veita vegabréfsáritanir af mannúðarástæðum, til dæmis svo fólk geti verið við útfarir. En sænsk innflytjendayfirvöld hafi sagt nei við umsókninni.
Banke ætlar nú að reyna að fá útförinni frestað enn frekar á meðan hann vinnur að því að fá heimild fyrir móður Alizade til að koma til Svíþjóðar og vera við útförina.
„Heitasta ósk móðurinnar er að fá að sjá son sinn einu sinni enn.“
