„Hann samdi allt vottorðið. Þetta voru ekki mín orð.“
Sagði Bornstein sem var læknir Trump í þrjá áratugi.
„Hann samdi þetta og ég sagði honum ef það var eitthvað sem hann gat ekki skrifað.“
Bornstein hafði áður haldið því fram að hann hafi samið heilbrigðisvottorðið en hefur nú breytt framburði sínum.
Í heilbrigðisvottorðinu stóð meðal annars að líkamlegt ástand Trump væri „ótrúlegt“.
„Líkamlegt ástand hans og þol er ótrúlegt. Ef hann verður kjörinn get ég svo sannarlega sagt að hann er heilbrigðasti maðurinn sem nokkru sinni hefur verið kjörinn forseti.“
Stóð í heilbrigðisvottorðinu sem Bornstein undirritaði.
Bornstein sagði einnig í viðtalinu að á síðasta ári hafi þrír „hávaxnir“ menn frá Hvíta húsinu skyndilega birst á stofu hans og stolið sjúkraskýrslum forsetans.
„Þeir ruddust inn, hræddu ritarann og ýttu sjúklingi til hliðar.“
Sagði Bornstein en þessu vísaði Sarah Sanders, talskona Hvíta hússins, á bug og sagði að það væri venjan að læknadeild Hvíta hússins tæki sjúkraskýrslur forsetans í sína vörslu. Hvorki Sanders né aðrir talsmenn Hvíta hússins hafa enn tjáð sig um frásögn Bornstein um að Trump hafi samið eigin heilbrigðisvottorð.
