fbpx
FréttirPressan

Málið sem skók heila þjóð – Dómur í danska kafbátsmálinu verður kveðinn upp í dag

Kristján Kristjánsson
Miðvikudaginn 25. apríl 2018 04:39

Kim Wall og Peter Madsen.

Í dag mun undirréttur í Kaupmannahöfn kveða upp dóm í máli ákæruvaldsins gegn uppfinningamanninum Peter Madsen. Hann er ákærður fyrir að hafa myrt sænsku fréttakonuna Kim Wall í ágúst á síðasta ári um borð í kafbátnum Nautilius, að hafa brotið gegn henni kynferðislega, ósæmilega umgengni við lík hennar og brot á siglingalögum. Málið hefur vakið mikla athygli í Danmörk og raunar um allan heim enda mjög óvenjulegt í alla staði.

Ef Madsen verður fundinn sekur á hann allt að lífstíðarfangelsi yfir höfði sér eða ótímabundna vistun í öryggisfangelsi. Danska læknaráðið, sem er æðsta stofnun lækna í landinu, komst að þeirri niðurstöðu í umsögn um geðrannsókn, sem var gerð á Madsen, að líkur séu á að hann muni aftur fremja morð ef hann gengur laus og að hann sé hættulegur samfélaginu. Saksóknari krefst þess að Madsen verði dæmdur í ævilangt fangelsi eða til ótímabundinnar vistunar í öryggisfangelsi.

Réttarhöldin hafa staðið yfir í sjö vikur en í þeim hafa ýmsar hræðilegar upplýsingar komið fram um dauða Wall. Madsen neitar að hafa orðið henni að bana og að hafa brotið gegn henni kynferðislega en játar ósæmilega umgengni við lik hennar en það sundurhlutaði hann og henti í sjóinn. Dönsku lögreglunni tókst að finna líkið, í mörgum pörtum, í sjónum.

Saksóknari hélt því fram fyrir dómi að Madsen hefði boðið Wall í siglingu í kafbát sínum með það í huga að láta sjúklega drauma sína um ofbeldisfullt kynlíf rætast. Saksóknarinn sagðist telja að Madsen hafi kyrkt eða afhöfðað Wall eftir að hann hafði pyntað hana. Hann sýndi myndir af limlestu líki Wall og sýndi hluta af þeim 140 myndböndum sem fundust í tölvu Madsen og síma. Í þessum myndböndum sjást raunverulegar misþyrmingar, morð og afhöfðanir á konum. Krufning á líki Wall leiddi í ljós að hún hafði verið stungin margoft í kynfærin með skrúfjárni. Áverkar á úlnliðum hennar og ökklum sýna að hún hafi verið bundin við rör í kafbátnum að sögn saksóknarans.

Verjandi Madsen krefst þess að hann verði sýknaður og hefur haldið því fram að saksóknara hafi ekki tekist að sýna fram á að Madsen hafi myrt Wall enda hafi málflutningurinn ekki verið byggður á sönnunargögnum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Fyrir 3 dögum

Alræmdur svikahrappur þóttist vera látinn – Handtekinn í frönskum kastala frá 13. öld þar sem hann lifði eins og kóngur

Alræmdur svikahrappur þóttist vera látinn – Handtekinn í frönskum kastala frá 13. öld þar sem hann lifði eins og kóngur
Pressan
Fyrir 3 dögum

Þau höfðu rétt fyrir sér en enginn hlustaði

Þau höfðu rétt fyrir sér en enginn hlustaði
Fyrir 5 dögum

Haustfagnaður SVFR

Haustfagnaður SVFR
Pressan
Fyrir 5 dögum

NASA leitar að geimverum á röngum stöðum

NASA leitar að geimverum á röngum stöðum