Andreas Niederbichler, 42 ára þýskur læknir, hefur verið handtekinn í kjölfar andláts 38 ára konu. Konan stundaði munnmök með lækninum þann 20. febrúar á heimili hans í Halberstadt. Í kjölfar þess hneig hún niður og var flutt á sjúkrahús. Hún var úrskurðuð látin skömmu eftir komuna á sjúkrahús.
Lögreglan hóf þegar rannsókn á málinu og komst að því að læknirinn hefði stráð kókaíni á getnaðarlim sinn skömmu áður en munnmökin hófust. Rannsóknin leiddi einnig í ljós að hann hafði leikið sama leik við þrjár aðrar konur en þær urðu ekki fyrir varanlegum skaða. Lögreglan telur líklegt að fórnarlömb hans séu enn fleiri en hann komst í kynni við konurnar á netinu.
Þýskir fjölmiðlar segja að Niederbichler hafi verið yfirlæknir á Ameos sjúkrahúsinu í Halberstad.
Lögreglan telur að hann beri ábyrgð á dauða konunnar. Saksóknari segir að hinar konurnar, sem Niederbichler stundaði munnmök með, hafi allir fundið fyrir einkennum eitrunar eftir samneytið við Niederbichler.