fbpx
FréttirPressan

Var kjarnorkutilraunum Norður-Kóreu sjálfhætt? Segja að tilraunastöðin sé hrunin

Kristján Kristjánsson
Fimmtudaginn 26. apríl 2018 06:11

Kim Jong-un einræðisherra í Norður-Kóreu.

Það vakti mikla ánægju víða um heim þegar stjórnvöld í Norður-Kóreu tilkynntu 21. apríl að þau hefðu ákveðið að loka kjarnorkutilraunastöð sinni og hætta öllum tilraunum með kjarnorkuvopn og eldflaugar. Það fygldi sögunni að landið væri komið svo langt í þróun kjarnorkuvopna að ekki væri þörf á frekari tilraunum.

En getur hugsast að þessi „ákvörðun“ hafi verið tekin af þeirri enföldu ástæðu að kjarnorkutilraunasvæði einræðisstjórnarinnar var hrunið? Vísindamenn hjá Vísinda- og tækniháskóla Kína hafa nú birt greiningar á neðanjarðar kjarnorkutilraunssvæði Norður-Kóreu og er niðurstaða þeirra að Punggye-ri tilraunasvæðið hafi hrunið saman og sé ónothæft með öllu.

Sky er meðal þeirra erlendu fjölmiðla sem skýra frá þessu í dag. Niðurstaða kínversku vísindamannanna er að stórir hlutar tilraunastöðvarinnar, sem er inni í fjalli, hafi hrunið saman átta og hálfri mínútur eftir að kjarnorkusprengja var sprengd þar í september. Jarðvísindamenn höfðu lengi varað við að þetta gæti gerst. Nú er því ekki lengur hægt að gera tilraunir með kjarnorkuvopn í tilraunastöðinni og mikil hætta er talin á að geislavirk efni berist frá henni.

Jarðskjálftar og sprengingar

Kínversku vísindamennirnir benda á að endurteknar tilraunasprengingar og jarðskjálftar hafi valdið því að tilraunastöðin hrundi saman.

Það virðist sem allt hafi farið úr skorðum aðfaranótt 3. september en þá tilkynntu Suður-Kórea og Japan að kjarnorkusprengja hefði verið sprengd í Punggye-ri en þá mældist jarðskjálfti upp á 6,3 á svæðinu.

Stjórnvöld í Norður-Kóreu skýrðu síðan frá því að þau hefðu þróað vetnissprengju sem búi yfir gríðarlegum eyðileggingarmætti. Kim Jong-un var sagður hafa skoðað sprengjuna sem að sögn var hægt að koma fyrir á langdrægum eldflaugum. Þetta hafa sérfræðingar þó efast um að sé rétt.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Drengirnir eru fundnir

Ekki missa af

Pressan
Í gær

Óþefur í úthverfi: Hundrað lík í flutningabíl

Óþefur í úthverfi: Hundrað lík í flutningabíl
Pressan
Í gær

Boxari niðurlægði fíkniefnaneytanda úti á götu: Sjáðu myndbandið sem margir hafa hneykslast á

Boxari niðurlægði fíkniefnaneytanda úti á götu: Sjáðu myndbandið sem margir hafa hneykslast á
Pressan
Fyrir 2 dögum

Tveir unglingar létust í kjölfar hræðilegs ofbeldisverks í Þrándheimi – Meintur gerandi skotinn af lögreglunni

Tveir unglingar létust í kjölfar hræðilegs ofbeldisverks í Þrándheimi – Meintur gerandi skotinn af lögreglunni
Pressan
Fyrir 2 dögum

Deutsche Bank flytur eignir og starfsemi frá Bretlandi vegna Brexit

Deutsche Bank flytur eignir og starfsemi frá Bretlandi vegna Brexit
Pressan
Fyrir 2 dögum

Vandræði varðandi útnefningu hæstaréttardómara í Bandaríkjunum – Brett Kavanaugh sakaður um kynferðisbrot

Vandræði varðandi útnefningu hæstaréttardómara í Bandaríkjunum – Brett Kavanaugh sakaður um kynferðisbrot
Pressan
Fyrir 3 dögum

56 morð á dag og 62.000 lögreglumenn vantar til starfa

56 morð á dag og 62.000 lögreglumenn vantar til starfa