FréttirPressan

Finnar hætta greiðslu borgaralauna

Kristján Kristjánsson
Miðvikudaginn 25. apríl 2018 07:00

Frá Helsinki.

Finnsk stjórnvöld hafa ákveðið að hætta greiðslu borgaralauna. Það var í janúar á síðasta ári sem tilkynnt var að gerð yrði tilraun til tveggja ára með að greiða fólki svokölluð borgaralaun. 2.000 atvinnulausir einstaklingar á aldrinum 25 til 58 voru valdir af handahófi til þátttöku í tilrauninni. Fólkið fær greiddar 560 evrur á mánuði frá hinu opinbera og mun fá þær greiðslur þar til í janúar á næsta ári þegar tilraunin endar.

Tilraunin var hugsuð sem hugsanleg lausn á framtíðarvanda sem margir telja óumflýjanlega samhliða aukinni vélvæðingu og þar með fækkun starfa og vaxandi ójöfnuðar. Tilraun Finna hefur vakið mikla athygli og margir bundu miklar vonir við hana og áhrif hennar á félagslegt öryggi og velferðarkerfi framtíðarinnar. Mark Zuckerberg, stofnandi Facebook, og Elon Muxk, stofnandi Tesla og SpaceX, voru meðal þeirra sem studdu tilraunina.

Hugmyndin á bak við borgaralaunin var að ef þau yrðu tekin varanlega upp myndu allir, ekki bara þeir sem eru atvinnulausir, fá greidda sömu upphæð frá hinu opinbera mánaðarlega. Stuðningsmenn tilraunarinnar segja að með þessum hætti sé hægt að takast á við fátækt og misskiptingu og að fólk þurfi ekki að hafa áhyggjur af að ná ekki endum saman. Þeir segja einnig að þetta muni hvetja atvinnulausa til að finna sér vinnu.

Finnska ríkisstjórnin hefur hafnað beiðni finnsku almannatrygginganna um aukið fjármagn í tilraunina þannig að hægt verði að halda henni áfram og því endar hún eftir tæpt ár.

Olli Kangas, rannsakandi hjá almannatryggingunum, sagði í samtali við YLE að tilraunin þurfi að standa lengur yfir áður en hægt verður að leggja mat á árangurinn. Þetta sé stór og umfangsmikil tilraun og tveggja ára tilraunatími sé of stuttur.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Í gær

Enn hækkar dánartalan vegna skógareldanna í Kaliforníu – Rúmlega 1.000 er saknað

Enn hækkar dánartalan vegna skógareldanna í Kaliforníu – Rúmlega 1.000 er saknað
Pressan
Í gær

Átti 99 ára fangelsi yfir höfði sér: Þá fann hann myndirnar í símanum

Átti 99 ára fangelsi yfir höfði sér: Þá fann hann myndirnar í símanum
Pressan
Fyrir 2 dögum

Nokkrar mýtur um konur og kynlíf

Nokkrar mýtur um konur og kynlíf
Pressan
Fyrir 2 dögum

Vopnaðir menn ógnuðu barnafjölskyldu og stálu bíl hennar

Vopnaðir menn ógnuðu barnafjölskyldu og stálu bíl hennar
Pressan
Fyrir 2 dögum

Eru allir búnir að gleyma Charlene?

Eru allir búnir að gleyma Charlene?
Pressan
Fyrir 3 dögum

60 hótelgestir í Danmörku veiktust skyndilega

60 hótelgestir í Danmörku veiktust skyndilega
Pressan
Fyrir 3 dögum

Óhugnanleg mynd vekur ótta um að árásir séu yfirvofandi á sænska skóla – Aukin öryggisgæsla

Óhugnanleg mynd vekur ótta um að árásir séu yfirvofandi á sænska skóla – Aukin öryggisgæsla
Pressan
Fyrir 3 dögum

Ódýrari matur, leikföng og raftæki og aukinn kaupmáttur – Þetta búa nágrannar okkar við

Ódýrari matur, leikföng og raftæki og aukinn kaupmáttur – Þetta búa nágrannar okkar við