Á sjöunda tímanum í kvöld voru björgunarsveitir á suðausturlandi kallaðar út vegna leitar að konu í Skaftafelli. Konan ferðast í litlum hóp um landið og var á göngu með samferðamönnum sínum í dag þegar hún varð viðskila við hópinn. Ekkert hefur spurst til hennar síðan um miðjan daginn. Fyrstu viðbragðsaðilar voru komnir í Skaftafell um klukkan 19 í kvöld og nú er nokkur fjöldi hópa að leita á svæðinu. Hvasst er í Skaftafelli og leynist hálka víða. Veðurstofan spáir versnandi veðri í nótt.
Konan mun vera ófundin.