Kristín Þóra Haraldsdóttir hélt tilfinningaþrungna ræðu á Eddunni í gærkvöldi. Átti hún erfitt með að halda aftur af tárunum. Kristín Þóra sýndi stjörnuleik í kvikmyndinni Lof mér að falla sem byggð er á sönnum atburðum, en handritið er byggt að hluta á lífsreynslu Kristínar Gerðar Guðmundsdóttur og dagbókarskrifum hennar, en líf Kristínar var alla tíð mótað af hryllilegu kynferðisofbeldi. Kristín náði sér aldrei og framdi sjálfsmorð. Kristín gerður var einnig misnotuð og beitt ofbeldi af háttsettum mönnum í þjóðfélaginu.
Kristín Þóra var hrærð þegar hún tók við verðlaununum en minnti á mikilvægi þess að stjórnvöld yrðu að passa uppá okkar smæstu bræður og systur. Ljóst var að hlutverkið hafði haft mikil áhrif á hana.
„Það er eitthvað mjög skrítið að standa í sparifötum og taka á móti verðlaunum fyrir þetta hlutverk, sem er byggð á alvöru manneskjum, um fíkn og búið að ræna öllu sem er ljúft og gott.“
Bætti Kristín við að það hefði tekið á að leika hlutverkið en hún litið á það sem skyldu sína að vera farvegur fyrir þessar konur sem og aðrar sem eru í þessum heimi í dag, konur sem hafa ekki rödd og við sjáum nánast aldrei þar sem tilvera þeirra er djúpt ofan í undirheimunum þar sem allskonar viðbjóður á sér stað.
„Og ef við sjáum þær lítum við undan og kerfið lítur undan. Þessi verðlaun segir mér að þið hafið heyrt í þeim og séð þær,“ sagði Kristín og bætti við: „Ég held að ástæðan fyrir því að myndin hafi snert svona marga, er vegna þess að sannleikurinn snertir hjörtu. Hún er byggð á sannleika.“
Þá sagði Kristín: „Mig langar til að segja eitthvað sem fær stjórnvöld til að halda neyðarfund strax á morgun.“ Undir lok ræðunnar stóðu margir í salnum upp en Kristín endaði ræðu sína á þessum mikilvægu skilaboðum:
Það er fullt af þekkingu í landinu um fíkn Við verðum að gera eitthvað. Ekki bara tala um þetta eftir bíómyndir. Ég hvet stjórnvöld til að horfa á þessa mynd og muna að hún er sönn og bara drullist til að gera eitthvað.“
Hér má sjá örlítið brot úr ræðunni en ræðuna í heild má nálgast hér á vef RÚV: