Kona sem hrækti framan í lögregluþjón við skyldustörf í Austurstræti þann 17. júní, síðastliðið sumar, var í gær dæmd í Héraðsdómi Reykjavíkur í eins mánaðar skilorðsbundið fangelsi. Konan er af erlendum uppruna.
Konan játaði brot sitt skýlaust og kvaðst iðrast þess. Hún hefur áður undirgengist sektargreiðslur vegna umferðarlagabrota og fíkniefnamisferlis. Þar sem konan játaði brot sitt og sýndi iðrun var dómurinn skilorðsbundinn í tvö ár. Enginn sakarkostnaður varð af málinu.