Klukkan 1.11 í nótt var tilkynnt um eld í húsi í Háaleitis- og Bústaðahverfi. Þegar lögreglumenn komu á vettvang höfðu öryggisverðir slökkt eldinn sem hafði kviknað í rafmagnsteppi í rúmi. Íbúi hafði ætlað að hita rúmið áður en hann fór upp í og var ekki í rúminu þegar eldurinn kviknaði. Mikill reykur var í húsinu og þurfti slökkvilið að reykræsta það.
Einn ökumaður var handtekinn í nótt grunaður um að vera undir áhrifum fíkniefna og að aka án ökuréttinda.
Að öðru leyti var nóttin róleg hjá lögreglunni á höfuðborgarsvæðinu.