Tryggvi Hansen listamaður býr í skógarrjóðri rétt utan við Reykjavík. Hann segir manninum eðlilegt að lifa úti í náttúrunni en ekki í húsi. Í nýjasta þætti Paradísarheimtar, þætti Jóns Ársæls, talaði hann um dýr á nokkuð kynferðislegan máta.
Tryggvi lýsti önd sem hann var að gefa brauð í Danmörku sem sexí. „Ég hef alveg furðulegar sögur af samtölum mínum við dýr. Bæði ketti, sem hafa komið til mín, ég hef alltaf hugsað svo mikið um dýrin í Danmörku. Það kemur allt í einu köttur sem er eins og hann sé ástfanginn að mér. Það verður eins og við séum ástfangið par upp í rúmi. Það var náttúrlega ekkert kynlíf en það var samt þetta, eins og þetta væri kona sem væri ástfangin að mér. Ég lenti meira að segja í þessu með karlkynsketti. Þetta var eins og „relationship“. Hann gat orðið svo móðgaður,“ lýsti Tryggvi.
Hann fór svo að ræða um téða önd. „Það kom önd, ég var alltaf að gefa fuglum. Það kom alltaf mikið af fuglum. Svo var ein þeirra sem var alltaf svo svakalega frek og átti bara einn unga. Hún kom alltaf: „ég þarf að fá meira að éta!“ og ég var einhvern tímann nýbúinn að gefa. Svo kemur hún og vill fá meira að éta og ég segi við hana: „nú finnst mér þetta aðeins of mikið, þú verður að bíða aðeins, við vorum að gefa rétt áðan.“ Hún lét sér ekki segjast og hún gengur einhvern veginn þannig og stendur á einum fæti, á hlið. Svo breytir hún einhvern veginn öllu „systeminu“, vængjunum og hausnum. Allt í einu starir þetta neon auga á mig,“ sagði Tryggvi.
Hann lýsti því hvernig öndin hafi orðið kynæsandi við þetta. „Það víbrar og ég finn bara kynferðislega, ég er alveg bara, hún var að segja við mig „ég er alveg til með að vera þín kona, ég er búin að missa manninn minn og þetta er sanngjarnt að ég hafi einhvern til að hjálpa mér við uppeldi á barninu og mér lýst vel á þig“. Ég bara, já, já, góða, ég bara gef þér þegar þú vilt. Eftir þetta gaf ég henni alltaf þegar ég sá hana og bar mikla virðingu fyrir henni. Þetta var nú ekkert nánara hjá okkur eftir þetta en ég áttaði mig á því að hún breytist þarna úr önd yfir í bara sexí veru einhvern veginn. Að ég gæti alveg sokkið inn í þetta og orðið ástfanginn að henni. Þetta er það sem gerist þegar menn eru í tengslum við dýrin,“ sagði Tryggvi.
Tryggvi hélt áhugaverða listsýningu í Borgarbókasafninu í Árbæ í haust og fjallaði DV þá um sýninguna og feril Tryggva. Sjá hér.
