Vegagerðin varar við blindandi stormi á vestanverðu landinu í dag. Segir í tísti frá Vegagerðinni að ástandið verði slæmt frá 10 til 12, lagast um tíma en versnar aftur um klukkan 14. Svo verður blint með köflum fram undir kvöld. Suðvestan stormur og mjög blint verður í um þrjár klukkustundir frá hádegi á Suðurlandi, frá Hellisheiði og austur í Mýrdal.
Veðurstofan varar við suðvestan stormi með éljum á suðurlandsundirlendinu um hádegi. Færð og skyggni gæti versnað til muna, en veðrið gengur hratt yfir.
#Veður: Nú nálgast SV-vert landið snjókomubakkar með allhvössum vindi, skafrenningi og blindu. Frá kl. 10-12, lagast um tíma, en aftur eftir 14 og blint með köflum fram undir kvöld. SV stormur og mjög blint frá um hádegi og í um 3 klst. á Suðurl. frá Hellish og í Mýrdal. #færðin
— Vegagerðin | Iceland Roads (@Vegagerdin) January 21, 2019