fbpx
Miðvikudagur 20.febrúar 2019
Fréttir

Þetta eru varðhundar Jóns Baldvins: Hefnd og samsæri – „Allir vita að Jón er myndalegur og að Vestan“

Ritstjórn DV
Fimmtudaginn 17. janúar 2019 13:01

Ekki missa af Helstu tíðindum dagsins í pósthólfið þitt

Lesa nánar

Fjöldi kvenna steig nýverið fram og sakaði Jón Baldvin Hannibalsson um kynferðislega áreitni. Jón Baldvin er fyrrum ráðherra, sendiherra og var um skeið formaður Alþýðuflokksins. Þetta er ekki í fyrsta sinn sem Jón Baldvin er sakaður um kynferðislega áreitni. Fleiri konur hafa látið í sér heyra og sífellt bætast frásagnir í #metoo hóp á Facebook. Þá vakti viðtal við Aldísi í morgun gríðarlega athygli.

En Jón Baldvin á síðan sína stuðningsmenn. Í þeim hópi er Guðmundur Þorleifsson, formaður Þjóðfylkingarinnar, Páll Vilhjálmsson, Halldór Jónsson, Gústaf Níelsson og Helgi Helgason varaformaður Þjóðfylkingarinnar sem talar um hefnd glóbalista en það innlegg kann Hallur Hallsson að meta. Jón Baldvin á síðan fleiri stuðningsmenn sem fjallað er um hér neðar.

Nokkur fjöldi fólks hefur tjáð sig undir fréttum fjölmiðla þar sem gefið er í skyn að umfjöllun Stundarinnar og svo DV sé byggð á annarlegum og pólitískum hagsmunum. Er umfjöllunin meðal annars sett í samhengi við það að Jón Baldvin hafi tjáð sig opinberlega um að erlendir auðjöfrar muni eignast Ísland með samþykkt Orkupakka 3 og hefur ítrekað verið fjallað um í fjölmiðlum. Segja þeir sem gagnrýna umfjöllun fjölmiðla um málið að Jón Baldvin hafi tjáð sig um ESB og þetta sé „þekkt aðferð til að gera fólk marklaust“. Þannig segir Bjarni Kjartansson sem lengi hefur verið viðloðandi Sjálfstæðisflokkinn og var lengi yfirmaður Laugardalslaugar en hann segir undir frétt á Stundinni:

„Ótrúleg tímasetning á þessum ,,uppljóstrunum“. Allir vita, að Jón er myndarlegur og að Vestan en þó að menn hafi verkfærin er ekki það sama og að þeir beiti þeim. […] Meeto umfjöllunin er allra góðra gjalda verð en að nýta það í einhverjum pólitískum tilgangi er annað og er auðvitað eftir smekk hvers og eins. Og enn og aftur, auðvitað eiga konur ekkert að bíða en mér sýnist á þessum frásögnum, að sumar hafi beðið all lengi.“

Það skal tekið skýrt og greinilega fram að stærsti hluti þjóðarinnar fordæmir og tekur ekki mark á þessum málflutningi. Er Jón sakaður um að hafa  kynferðislega áreitt stúlkur og konur allt frá árinu 1967.

En hverjir eru helstu varðhundar Jóns Baldvins? Páll Vilhjálmsson og Halldór Jónsson hafa báðir gagnrýnt umfjöllun fjölmiðla. Raddir Páls og Halldórs fá oft að hljóma í Morgunblaðinu og hafa skrif þeirra beggja verið nýtt í Staksteinum oftar en einu sinni í Morgunblaðinu og ljóst að mikið mark er tekið á þeim í Hádegismóum.

Halldór Jónsson

Halldór tjáir sig um mál Jóns Baldvins á Moggablogginu og segir:

„Þetta er endurgjald frá ESB til Jóns Baldvins fyrir að ganga af trúnni. Skipulagðar hefndaraðgerðir af hálfu Evrópusinna með velvild Viðreisnar og Samfó. Það hefur mörgum orðið á að delera fullur.“

Þá vitnar Halldór einnig í ummæli Ragnhildar Kolku sem sagði: „Kona sem er klipin í rassinn þegar hún er tvítug og miklar það með sér í 50 ár hefur ekki átt mjög innihaldsríkt líf.““

Halldór hefur margsinnis ratað í fréttir. Það vakti mikla athygli í fyrra þegar Halldór kom Robert Downey, áður Róbert Árni Hreiðarsson, til varnar. Í annarri færslu líkti hann múslimum við rottur og ræningja. Í mars efaðist hann svo um sannleika samkynhneigðs flóttamanns og sagði kynsvelti úrræði fyrir „blámann“.

Þá komst Halldór næst í fréttir fyrir að skrifa um kynferðislega áreitni og þá sérstaklega í samhengi við mál Orkuveitu Reykjavíkur. Var blogg hans tekið upp í Staksteinum: „Þegar ég hugsa til baka hvernig maður hegðaði sér á dansæfingum í MR. Búinn að tendra sig upp á brennivíni og Camelsmók bauð maður stelpunum upp og reyndi allt til að vanga þær og trukka og helst að komast í sleik. Þessi hegðun myndi koma í veg fyrir að ég yrði samþykktur í embætti ef Trump myndi vilja hygla mér eins og Kawanough eða hvernig það er stafað.“

Páll Vilhjálmsson:

Páll Vilhjálmsson er kennari og þekktur bloggari á vef Morgunblaðsins. Hann segir að Jón Baldvin sé skotspónn þessa dagana vegna „ótilhlýðilegrar framkomu sinnar gagnvart stúlkum og konum.“

Páll segir:

„Þær konur sem segja farir sínar ekki sléttar í samskiptum við Jón Baldvin telja að trúverðugleiki hverrar konu styrkist eftir því sem fleiri segja sambærilega sögu. Rökin ganga í báðar áttir. Ef ein frásögn reynist tilbúningur kastar það rýrð á allar hinar. Dómstóll samfélagsmiðla er ekki heppilegasti vettvangurinn til að leiða sannleikann í ljós. En kannski er sannleikurinn aukaatriði.“

Gústaf Níelsson

Gústaf Níelsson er sagnfræðingur sem hefur komið víða við. Hann hefur verið viðloðandi stjórnmál og er þekktur fyrir umdeildar skoðanir. Frægt var þegar átti að skipa hann sem varamann í Mannréttindaráð Reykjavíkurborgar fyrir Framsókn og flugvallavini árið 2015, en hætt var við vegna umdeildra skoðana hans á réttindum samkynhneigðra, innflytjenda og annarra minnihlutahópa.

Gústaf segir:

„ … helvítis hakkavélin unir sér aldrei hvíldar. Alltaf eru einhverjir til þess að fóðra kvikindið. Nú má hinn aldni stjórnmálahaukur, Jón Baldvin Hannibalsson, sem stendur á áttræðu, una því að „hakkavél samfélagsins“ hengir hann upp á pungnum einum saman og tístir í geldkerlingum af ánægju. Og áður var búið að hengja hann upp á bæði tám og fingrum fyrir sömu „glæpi“.

Þetta gálga- og gapastokksblæti öfgafemínismans er orðið býsna hvimleitt. Vel má það vera að femínisminn sé kominn í slag við „kvensama graða kallinn“ og haldi að hægt sé að berja náttúruna með lurk, en hún leitar alltaf heim.“

Ragnhildur Kolka

Ragnhildur er bókmennta- og lífeindafræðingur og er áberandi meðal virkra í athugasemdum en hún hefur ímugust og illan bifur á öllu sem telst til vinstristefnu. Hún hefur lýst því í pistlum bæði í Morgunblaðinu og Þjóðmálum.

„Kona sem er klipin í rassinn þegar hún er tvítug og miklar það með sér í 50 ár hefur ekki átt mjög innihaldsríkt líf. Það hefur verið á allra vitorði að Jón Baldvin er landskunnur kvennamaður sem missti aldrei af góðu tækifæri. En að fara að úthrópa hann núna sýnir tómleikann í þessari #metoo umræðu.“ 

Guðmundur Þorleifsson

Guðmundur er formaður Íslensku þjóðfylkingarinnar. Hann telur að um áróður gegn Jóni Baldvini sé að ræða.

„Hvaðan ætli þessi áróður eigi rætur sínar gegn Jóni Baldvini Hannibalssyni. […] Þegar betur er að gáð, er greinilegt að vinstra liðið stendur á öndinni vegna þess að loksins talar hann hreint út um þá arfavitlausu stefnu er hann hefur fylgt og lýsir yfir andstöðu við orkupakka 3.

Allt vinstra liðið ásamt undanvillingunum í Sjálfstæðisflokknum og Viðreisn, sem sjá ekkert annað en að svíkja land og þjóð, þar sem öll meðul séu réttlætt er nota má til liðka fyrir inngöngu áform þeirra til þess að troða þjóðinni í EB. Meira seigja vekja þeir upp gamla drauga, sem oft hafa komið upp, en hafa verið látið niður falla, til þess eins að sverta og gera Jón Baldvin ótrúverðugan.“

Helgi Helgason

Helgi er varaformaður Íslensku þjóðfylkingarinnar tekur í svipaðan streng og formaðurinn. Hann segir:

„Hefnd glóbalista vegna þessa að hann talar hreint út gegn 3ja orkupakka ESB?“

Þrettán kunna að meta þetta innlegg í grúppu flokksins og einn af þeim er Hallur Hallsson.

Jón Baldvin
Vafasamur sprúttdíll.

Misnotaði stöðu sína

Það sem hefur síðan gerst nýtt í málum tengt Jóni Baldvini er að Aldís Schram, dóttir hans, segir Jón Baldvin hafa misnotað stöðu sína sem sendiherra til þess að sinna persónulegum málum.

Í samtali við Morgunútvarpið á Rás 2 í dag fullyrðir hún að Jón Baldvin hafi ekki þurft að gera annað en að senda bréf til dómsmálaráðuneytisins sem olli því að hún yrði nauðungarvistuð á geðdeild. Með því að nota bréfsefni sendiráðsins í Washington hafi hann misnotað aðstöðu sína til að reka persónulegt erindi.

Þá rifjaði Aldís einnig upp atvik sem átti sér stað árið 1998 þegar lögregla braut sér leið inn á heimili hennar ásamt lækni. Þetta virðist hafa verið að nauðsynjalausu enda yfirgáfu læknir og lögregla húsnæðið samkvæmt sömu lögregluskýrslu. Aldís segir þessa aðferð kallast aðstoð við erlent sendiráð samkvæmt þeim lögreglugögnum sem hún las.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Í gær

Gunnar Smári segir Fréttablaðið drasl: „Til hvers ætti fólk að opna heimili sitt fyrir svívirðilegum áróðri“

Gunnar Smári segir Fréttablaðið drasl: „Til hvers ætti fólk að opna heimili sitt fyrir svívirðilegum áróðri“
Fréttir
Í gær

Leit að Jóni Þresti bar ekki árangur um helgina – Funda með lögreglu í dag

Leit að Jóni Þresti bar ekki árangur um helgina – Funda með lögreglu í dag
Fréttir
Fyrir 2 dögum

Engin niðurstaða og harðar ásakanir: „Þrælavinna“ – „nauðungarvinna“ – „atvinnuofbeldi“ – „glæpamenn“

Engin niðurstaða og harðar ásakanir: „Þrælavinna“ – „nauðungarvinna“ – „atvinnuofbeldi“ – „glæpamenn“