Um fimmleytið í nótt handtók lögreglan mann á tvítugsaldri sem mundaði ljá á förnum vegi í Breiðholti. Við leit á manninum fannst piparúði. Maðurinn var vistaður í fangageymslu vegna rannsóknar málsins. Hann reyndist einnig vera eftirlýstur vegna annarra mála. Ekki fylgir sögunni hvort þetta var hinn eini sanni maður með ljáinn en að minnsta kosti var þá um eftirhermu að ræða.
Fjórir ökumenn voru handteknir í nótt grunaðir um að vera undir áhrifum fíkniefna. Tveir þeirra reyndust einnig vera sviptir ökuréttindum.